,
სასამართლომ ყოფილ პოლიციელ დერეკ შოვინს, რომელიც აშშ-ის ქალაქ მინეპოლისში ფერადკანიანი მამაკაცის, ჯორჯ ფლოიდის მკვლელობაშია, ბრალდებული 22 წელზე მეტი ხნით თავისუფლების აღკვეთა მიუსაჯა.
აპრილში, 12-მა ნაფიცმა მსაჯულმა 45 წლის შოვინი სამივე ბრალდებაში - მეორე ხარისხის მკვლელობა, მესამე ხარისხის მკვლელობასა და გაუფრთხილებლობით მკვლელობა - დამნაშავედ ცნო.
ბრალდებულმა სასჯელის მოსმენის დროს დუმილი დაარღვია და სამძიმარი გამოთქვა ფლოიდის ოჯახის მიმართ.
პროკურორები 30 წლიან პატიმრობას მოითხოვდნენ „წამების“ ბრალდებით.
აშშ-ის პრეზიდენტი ჯო ბაიდენი ჯორჯ ფლოიდის მკვლელობის საქმეზე გამოტანილ განაჩენს გამოეხმაურა და 22.5-წლიანი პატიმრობის მისჯას „მართებული“ უწოდა.
„მე არ ვიცნობ ყველა გარემოებას, რომელსაც მხედველობაში იღებდა სასამართლო, მაგრამ, როგორც ჩანს, მოქმედი წესების მიხედვით, განაჩენი მართებულია“, - განაცხადა ბაიდენმა.
ჯორჯ ფლოიდი 2020 წლის 25 მაისს მოკლეს. სოციალურ ქსელებში გავრცელებულ ვიდეოში ჩანდა, რომ პოლიციის ოფიცერი, დერეკ შოვინი ჯორჯ ფლოიდს კისერზე მუხლს აჭერდა, ხოლო დაკავებული ჯორჯ ფლოიდი კი სუნთქვის საშუალების მიცემას ითხოვდა. მინეაპოლისის სასამართლომ დერეკ შოვინს 22.5 წლით თავისუფლების აღკვეთა მიუსაჯა.
