აშშ-ის არჩეულმა პრეზიდენტმა, ჯო ბაიდენმა განაცხადა, რომ კორონავირუსის საწინააღმდეგო ვაქცინის გაკეთებაში საშიში არაფერია.

„ამას იმის საჩვენებლად ვაკეთებ, რომ ხალხი მზად იყოს, როდესაც ვაქცინის მიღება შესაძლებელი გახდება. საშიში არაფერია. მეორე ინექციას ველოდები”, - განაცხადა ჯო ბაიდენმა ვაქცინის მიღების შემდეგ.

აშშ-ის არჩეულმა პრეზიდენტმა, ჯო ბაიდენმა და მისმა მეუღლემ, ჯილ ბაიდენმა კორონავირუსის საწინააღმდეგო ვაქცინა საჯაროდ გაიკეთეს.

ჯო ბაიდენმა კორონავირუსის საწინააღმდეგო ვაქცინა დელავერის შტატში მდებარე ChristianaCare-ის საავადმყოფოში გაიკეთა.

14 დეკემბერს აშშ-ში კორონავირუსის საწინააღმდეგო ვაქცინაციის პროგრამა დაიწყო.