USD 2.6967
EUR 3.1503
RUB 3.4241
თბილისი
ჯო ბაიდენის სახელობის რკინიგზის სადგური - Joseph R. Biden, Jr. Railroad Station
თარიღი:  2683
იცით თუ არა, რომ ამერიკის სარკინიგზო სისტემაში არსებობს ჯო ბაიდენის სახელობის რკინიგზის სადგური, რომელიც Amtrak-ის სამგზავრო მატარებლებს ემსახურება?! სადგურის სრული სახელწოდებაა Joseph R. Biden, Jr. Railroad Station. ის აგრეთვე ცნობილია როგორც უილმინგტონის სადგური - Wilmington station. სადგური წარმოადგენს Amtrak-ის ერთ-ერთ ყველაზე გადატვირთულ გაჩერებას - ის ემსახურება ცხრა სარკინიგზო მარშრუტს და წარმოადგენს ჩრდილო-აღმოსავლეთ დერეფნის (Northeast Corridor) ნაწილს. ის აგრეთვე ემსახურება საგარეუბნო მატარებლებს ხაზზე „უილმინგტონი - ვაშინგტონი“.
 
აღნიშნული სადგური აშენდა 1907 წელს; მაშინ მისი სახელწოდება იყო Pennsylvania Station. თუმცა 2011 წელს მას მაშინდელი ვიცე-პრეზიდენტის, ახლა კი პრეზიდენტის, ჯო ბაიდენის, სახელი უწოდეს. იგი გახლდათ რკინიგზით მგზავრთა გადაყვანის მხარდამჭერი, რომელიც რეგულარულად იყენებდა მატარებელს უილმინგტონიდან ვაშინგტონში და უკუმიმართულებით სამგზავროდ (მგზავრობის ხანგრძლივობა 90 წუთი), როცა ის სენატორი იყო 1973 წლიდან 2008 წლამდე. 1987 წელს ბაიდენმა სწორედ ამ სადგურზე წამოაყენა 1988 წლის პრეზიდენტობის კანდიდატად საკუთარი თავი დემოკრატიული პარტიიდან (მაშინ წააგო).
 
[...] მე ვუყურებდი ფანჯრიდან მოციმციმე შუქებს სახლებში. მესმოდა იქ მყოფთა კითხვები, "ვგრძნობდი მათ ტკივილს. და ყოველ ჯერზე, როცა ამ გზას გავდიოდი, ეს შთამაგონებდა მომდევნო დღეს ადგომას, ვაშინგტონში დაბრუნებას და იმ პასუხების გაცემას, რასაც ისინი ეძებდნენ. იმ მომენტებში, როცა ფანჯარაში ვხედავდი ანთებულ შუქებს, ისინი მომითხრობდნენ იმას, რასაც ვერასდროს შეძლებდნენ ჩემს წინ დალაგებული საქაღალდეები. ისინი ფერს და აზრს ანიჭებდნენ პრობლემებს, რომელთა გადაწყვეტას ვცდილობდი მთელი ჩემი კარიერის განმავლობაში. ისინი მახენებდნენ მე, თუ რატომ გავიარე ეს გზა 7000-ჯერ".
 
მაგრამ რკინიგზით მგზავრობისადმი ჩემი მხარდაჭერა მხოლოდ ემოციური კავშირი არ არის. ჩვენს აეროპორტებში არსებული დაყოვნებებისა და საავტომობილო გზების გადამეტტვირთულობის, საწვავზე ფასების არასტაბილურობის, გარემოზე სოლიდური გავლენის, მზარდ დასახლებულ პუნქტებს შორის სატრანსპორტო კავშირების დამყარების აუცილებლობის გამო სარკინიგზო ტრანსპორტი უფრო მნიშვნელოვანი ხდება ამერიკისათვის, ვიდრე ოდესმე ყოფილა“ (Joe Biden, Vice President of the United States of America: "Why America Needs Trains". 03/18/2010).
 
"ყველაფერი ჩემს კარიერაში, - კარგი თუ ცუდი, პირველი ადამიანები - მატარებელში მხვდებოდა. ისინი იყვნენ ჩემთვის პირველები, ამ სიტყვის პირდაპირი გაგებით. ისინი მეუბნებოდნენ, "ჯო, ყველაფერი კარგად იქნება".
 
ეკონომიკა
BMG: 2025 წლის 11 თვეში ირანთან ვაჭრობა $262.7 მილიონამდე შემცირდა - რას ვყიდით/ვყიდულობთ?

აშშ-ის პრეზიდენტი დონალდ ტრამპი აცხადებს, რომ ნებისმიერი ქვეყანა, რომელიც ირანთან ბიზნესურთიერთობას აწარმოებს, აშშ-სთან ვაჭრობისას 25%-იან ტარიფს გადაიხდის. ტრამპის თქმით, გადაწყვეტილება „საბოლოო და შეუცვლელია“, ხოლო ტარიფები უკვე ამოქმედდა.

ტრამპმა განცხადება სოციალურ ქსელ Truth Social-ზე გაავრცელა, თუმცა არ დაუკონკრეტებია, რომელ ქვეყნებს შეეხება ახალი ტარიფები ან რას გულისხმობს „ირანთან ბიზნესის წარმოება“. მისივე თქმით, ზომა უკავშირდება ირანში შექმნილ ვითარებას, სადაც ბოლო წლების განმავლობაში ყველაზე მასშტაბური ანტისამთავრობო პროტესტი მიმდინარეობს.

bm.ge გთავაზობთ საქართველოსა და ირანის ვაჭრობის 11 თვის მონაცემებს.

2025 წლის იანვარ-ნოემბრის მონაცემებით, ირანთან სავაჭრო ბრუნვა $262.7 მილიონია. წლიურ ჭრილში ამ სახელმწიფოსთან ექსპორტ-იმპორტი 11.6%-ით შემცირდა. ოფიციალური სტატისტიკის მიხედვით, საქართველო-ირანის სავაჭრო სალდო უარყოფითია და ვაჭრობაში დიდ ძირითად ნაწილს იმპორტი იკავებს, ანუ საქართველო იმაზე მეტ საქონელს ყიდულობს ირანში, ვიდრე ყიდის.

2025 წლის 11 თვეში ექსპორტის მაჩვენებელი თითქმის 2024 წლის ანალოგიური პერიოდის ანალოგიური იყო და $32.8 მილიონს შეადგენდა. ირანში გადაზიდული საქონლის რეიტინგი კი ასეთია:

TOP-5 საექსპორტო სასაქონლო ჯგუფი

  1. ხე-ტყის მასალა -7.6 მლნ აშშ დოლარი;
  2. მანგანუმის ოქსიდი - 4.9 მლნ აშშ დოლარი;
  3. სიმინდი - 4.5 მლნ აშშ დოლარი;
  4. მსუბუქი ავტომობილები - 2.4 მლნ აშშ დოლარი;
  5. ხორბალი - 2.05 მლნ აშშ დოლარი.

რაც შეეხება იმპორტს, იმპორტი გასული წლის 11 თვეში 13.1%-ით $229.8 მლნ-მდე შემცირდა. ირანიდან შეძენილი საქონლის რეიტინგი ასეთია:

TOP-5 იმპორტირებული სასაქონლო ჯგუფი

  1. მოსაპირკეთებელი ფილები კერამიკული, მოუჭიქურებელი - 23.9 მლნ აშშ დოლარი;
  2. პოლიმერები ეთილენისა, პირველადი ფორმებით - 18.1 მლნ აშშ დოლარი;
  3. რძე და ნაღები, შესქელებული ან შაქრის დამატებით - 14.9 მლნ აშშ დოლარი;
  4. ნახშირბადიანი ფოლადის კუთხოვანები, ფასონური და სპეციალური პროფილები - 13.3 მლნ აშშ დოლარი;
  5. წნელები ცხლად ნაგლინი ნახშირბადიანი ფოლადისაგან თავისუფლად დახვეულ ბუხტებად - 13.1 მლნ აშშ დოლარი.

 

ირანთან სავაჭრო ბრუნვამ ისტორიულ მაქსიმუმს 2024 წელს მიაღწია და $322 მლნ შეადგინა, რაც წლის ჭრილში 18.8%-იან ზრდას წარმოადგენდა. ირანთან ვაჭრობა ძირითადად იმპორტზე მოდის. 2024 წელს საქართველო-ირანის სავაჭრო ბრუნვაში ექსპორტი $36.9 მლნ იყო, ხოლო იმპორტი $285.1 მლნ.

წყარო:https://bm.ge/

სრულად
გამოკითხვა
სხვათა შორის
მსოფლიო
Iran International: ირანში სულ მცირე 12 000 ადამიანი დაიღუპა
სრულად
ფრიდრიხ მერცი - ეს ირანის რეჟიმისთვის ბოლო დღეები და კვირებია
სრულად
დონალდ ტრამპი: თუ ჩვენ არ ავიღებთ გრენლანდიას, მას რუსეთი ან ჩინეთი აიღებს. ამის დაშვებას არ ვაპირებ. გრენლანდია ჩვენი იქნება
სრულად