,
თეთრი სახლის ლიდერი დონალდ ტრამპზე თავდასხმის მცდელობას გამოეხმაურა. შესაბამისი განცხადება აშშ-ის პრეზიდენტმა სოციალურ ქსელში X გამოაქვეყნა.
„მაცნობეს დონალდ ტრამპზე თავდასხმის შესაძლო მცდელობის შესახებ და ჩემთვის დიდი შვებაა, რომ ის არ დაზარალებულა. ეჭვმიტანილი დაკავებულია. როგორც არაერთხელ მითქვამს, ჩვენს ქვეყანაში არ არის პოლიტიკური ან ნებისმიერი ძალადობის ადგილი. დავავალე ჩემს გუნდს, გააგრძელოს საიდუმლო სამსახურის ყველა რესურსით უზრუნველყოფა, რაც ყოფილი პრეზიდენტის მუდმივი უსაფრთხოებისთვის აუცილებელია“, - ნათქვამია ბაიდენის განცხადებაში.
სამართალდამცველებმა დონალდ ტრამპზე თავდასხმის კიდევ ერთი მცდელობა აღკვეთეს. ინციდენტი ფლორიდაში, ექსპრეზიდენტის გოლფ-კლუბის ტერიტორიაზე მოხდა. პოტენციური მკვლელი, რომელიც ბუჩქებში იყო ჩასაფრებული, საიდუმლო სამსახურის აგენტებმა შენიშნეს და ცეცხლი გაუხსნეს, რის შემდეგაც ის გაიქცა, თუმცა პოლიციამ მალევე დააკავა.
ბუჩქებში სამართალდამცველებმა კალაშნიკოვის ავტომატური იარაღი, ორი ზურგჩანთა და ვიდეოკამერა იპოვეს. ადგილობრივი მედიის ინფორმაციით, დაკავებულია 58 წლის რაიან უესლი რაუტი. ის ნასამართლევია და დემოკრატიული პარტიის მხარდამჭერია. ინციდენტის შედეგად ტრამპი არ დაზარალებულა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
