,
აშშ-ის პრეზიდენტ ჯო ბაიდენის განცხადებით, მას ესმის უცხოელი ლიდერებისგან : "შენ უნდა გაიმარჯვო" და რომ დონალდ ტრამპის გამარჯვება "კატასტროფა იქნება".
„საგარეო პოლიტიკა არასდროს ყოფილა მისი ძლიერი მხარე და, როგორც ჩანს, მას აქვს მიდრეკილება ავტორიტარული ადამიანების მიმართ“, - განაცხადა ბაიდენმა პრესკონფერენციაზე, აშშ-ის ყოფილი პრეზიდენტზე, დონალდ ტრამპზე საუბრისას.
მისი მტკიცებით, ყველაზე კვალიფიციური ადამიანია იმისთვის, რომ ქვეყნის პრეზიდენტის თანამდებობაზე დარჩეს.
„ვფიქრობ, რომ მე ვარ საუკეთესო კვალიფიციური ადამიანი იმისთვის, რომ შევასრულო ეს სამუშაო, იმისთვის, რომ უზრუნველვყო, რომ უკრაინა არ დაეცა, რომ უკრაინამ წარმატებას მიაღწიოს, რომ ევროპული ალიანსი ძლიერი დარჩეს“, - აღნიშნა ბაიდენმა.
მან კიდევ ერთხელ განაცხადა, რომ საარჩევნო რბოლაში მონაწილეობას გააგრძელებს.
„ის ერთხელ უკვე დავამარცხე, მე მას კვლავ დავამარცხებ“, - აღნიშნა ბაიდენმა დონალდ ტრამპზე საუბრისას.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
