,
აშშ-ის არჩეულმა პრეზიდენტმა ჯო ბაიდენმა ქვეყანაში მიმდინარე ვაქცინაციის პროცესზე ისაუბრა და აღნიშნა, რომ ამ დროისთვის დაახლოებით 2 მილიონი მოქალაქეა აცრილი, რაც ძალიან მცირე რიცხვია იმასთან შედარებით, რასაც პრეზიდენტი დონალდ ტრამპი საზოგადოებას ჰპირდებოდა.
„რამდენიმე კვირის წინ ტრამპის ადმინისტრაცია გვპირდებოდა, რომ დეკემბრის ბოლომდე 20 მილიონი ადამიანი აიცრებოდა. დეკემბრის გასვლამდე მხოლოდ რამდენიმე დღე რჩება და მხოლოდ 2 მილიონი ადამიანია აცრილი,“- აღნიშნა ჯო ბაიდენმა.
მისივე თქმით, თუკი ვაქცინაციის პროგრამა მსგავსი ტემპით გაგრძელდება, ამერიკელი ხალხის ასაცრელად არა თვეები, არამედ წლები იქნება საჭირო.
„ჩემი პრეზიდენტობის პირველი 100 დღისთვის 3 გამოწვევა დავასახელე. ერთ-ერთი არის ის, რომ პირველი 100 დღის დასრულების დროისთვის 100 მილიონი ადამიანი უნდა აიცრას, რაც ამჟამინდელ ტემპზე 5-6-ჯერ უფრო სწრაფია და დღეში 1 მილიონ აცრას გულისხმობს,“- განაცხადა არჩეულმა პრეზიდენტმა და აღნიშნა, რომ ის კონგრესს დამატებითი დაფინანსების დამტკიცების თხოვნით მიმართავს.
ჯო ბაიდენის განმარტებით, ვაქცინაციის პროგრამის მსგავსი ტემპით განხორციელების შემთხვევაშიც კი მოსახლეობის უმეტესობის ასაცრელად რამდენიმე თვე იქნება საჭირო.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
