,
„ამერიკა დაბრუნდა. ის მზად არის კვლავ მსოფლიო ლიდერი გახდეს. მზად არის მასში ღირსეული ადგილი დაიკავოს. მზად ვართ დავუპირისპირდეთ მტრებს და მოკავშირეების გვერდით ვიდგეთ. დავიცვათ ჩვენი ფასეულობები“ - განაცხადა ბაიდენმა მომავალი ადმინისტრაციის წარდგენაზე.
აშშ-ის არჩეულმა პრეზიდენტმა ჯო ბაიდენმა თავისი ადმინისტრაციის წამყვანი ფიგურები დაასახელა. ბაიდენმა ამის შესახებ დელავერის შტატში, საკუთარ შტაბ-ბინაში სიტყვით გამოსვლისას განაცხადა.
აშშ-ის სახელმწიფო მდივნის თანამდებობას ენტონი ბლინკენი დაიკავებს. 58 წლის ბლინკენი 20 წლის განმავლობაში ბილ კლინტონის და ბარაქ ობამას ადმინისტრაციაში მუშაობდა.
ნაციონალური დაზვერვის ხელმძღვანელის თანამდებობას პირველად აშშ-ის ისტორიაში ქალი დაიკავებს. ეს 51 წლის ავრილ ჰეინსია. ის აშშ-ის ცენტრალური სადაზვერვო სამსახურის დირექტორის მოადგილე იყო, ხოლო შემდეგ ბარაქ ობამას ადმინისტრაციაში უსაფრთხოების საკითხებში პრეზიდენტის მრჩევლის პირველი მოადგილე იყო.
ეროვნული უშიშროების საკითხებში მრჩევლის თანამდებობაზე ბაიდენი ჯეიკ სალივანის დანიშვნას აპირებს. 43 წლის სალივანი აშშ-ის უზენაეს სასამართლოში და შემდეგ კერძო იურიდიულ კომპანიაში მუშაობდა.
ასევე ცნობილი, რომ ვიცე-პრეზიდენტის პოსტს კამალა ჰარისი დაიკავებს.
კამალა ჰარისს თვითონ ქონდა თავისი კანდიდატურა წამოყენებული, აშშ-ს პრეზიდენტობის კანდიდატად დემოკრატიული პარტიიდან, მაგრამ შემდგომ ჯო ბაიდენის სარგებლოდ მოხსნა თავისი კანდიდატურა. ის იყო პირველი სამხრეთ აზიური წარმოშობის, შავკანიანი ქალია აშშ – ს ისტორიაში და ამერიკელი, რომელიც მონაწილეობდა საპრეზიდენტო არჩევნების ბოლო ეტაპზე.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
