,
ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა განაცხადა, რომ აშშ-ის კონგრესში არჩევნების შედეგების მიუხედავად, ორპარტიული მხარდაჭერა უკრაინის მიმართ შენარჩუნდება.
„დარწმუნებული ვარ, რომ აშშ-ის მხარდაჭერა უკრაინისადმი იქნება ურყევი და მტკიცე. მე არ ვამბობ, რომ ეს მხარდაჭერა „სავარაუდო“ იქნება. მე მჯერა ამის და პრეზიდენტ ბაიდენს სჯერა ამის“, - ხაზგასმით აღნიშნა ჯეიკ სალივანმა.
მანამდე აშშ-ის თავდაცვის დეპარტამენტში განაცხადეს, რომ აშშ უკრაინას 400 მილიონი დოლარის სამხედრო დახმარების ახალ პაკეტს გამოუყოფს.
რუსეთის უკრაინაში შეჭრიდან დღემდე, აშშ-მა უკრაინას უსაფრთხოების სფეროში 17 მილიარდი დოლარის დახმარება გამოუყო.
