,
მიუხედავად იმისა, რომ „ლოქდაუნებისა“ და ვაქცინაციის პროგრამების წყალობით კოვიდ 19-ის გავრცელება ზოგიერთ ქვეყანაში შემცირდა, ნაადრევი და არარეალურია იმაზე ფიქრი, რომ პანდემია მიმდინარე წლის ბოლომდე დასრულდება, - ამის შესახებ ჯანდაცვის მსოფლიო ორგანიზაციის საგანგებო პროგრამების აღმასრულებელმა დირექტორმა მაიკლ რაიანმა განაცხადა.
”თუ ვაქცინები დაიწყებენ ზეგავლენის მოხდენას არა მხოლოდ სიკვდილიანობისა და ჰოსპიტალიზაციის მაჩვენებელზე, არამედ მნიშვნელოვან გავლენას მოახდენენ გავრცელების დინამიკასა და რისკზეც, მჯერა, რომ ჩვენ დავაჩქარებთ ამ პანდემიაზე კონტროლის მოპოვებას“, - აღნიშნა ჯანმო-ს წარმომადგენელმა.
ამასთან, ორგანიზაციის ინფორმაციით, ბოლო 2 თვის განმავლობაში პირველად, გასულ კვირაში კორონავირუსის შემთხვევების გლობალურმა რაოდენობამ მოიმატა. კერძოდ, ინფიცირების მაჩვენებელი გაიზარდა ჯანმო-ს 6 რეგიონიდან 4-ში : ამერიკაში, ევროპაში, სამხრეთ-აღმოსავლეთ აზიასა და აღმოსავლეთ ხმელთაშუაზღვისპირეთში.
ჯანდაცვის მსოფლიო ორგანიზაციის გენერალურმა დირექტორმა ტედროს ადჰანომ გებრეისუსმა განაცხადა, რომ ”ეს გულდასაწყვეტია, მაგრამ არა გასაკვირი“.
”ჩვენ ვმუშაობთ იმისთვის, რომ უკეთ გავიგოთ გავრცელების ზრდის მიზეზი. როგორც ჩანს, ეს გამოწვეულია საზოგადოებრივი ჯანდაცვის ზომების შემსუბუქებით, ვირუსის სხვადასხვა ვარიანტის გავრცელებითა და ადამიანების მიერ საჭირო ზომების არასათანადოდ დაცვით,“- აღნიშნა ჯანმო-ს ხელმძღვანელმა.
მისივე თქმით, ვაქცინები ხელს შეუწყობს ადამიანების გადარჩენას, თუმცა, "თუ ქვეყნები მხოლოდ ვაქცინებს დაეყრდნობიან, ისინი შეცდომას დაუშვებენ".
”რეაგირების საფუძვლად საზოგადოების ჯანდაცვის ძირითადი ზომების დაცვა რჩება”, - განაცხადა ტედროს ადჰანომ გებრეისუსმა.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
