,
Galt & taggart-ის ინფორმაციით, 2023 წლის ივლისში თბილისში 3 656 ბინა გაიყიდა, რაც წლიურად 4.7%-ით, თვიურ ჭრილში კი 7.2%-ით შემცირებული მაჩვენებელია.
გაყიდვები გაიზარდა პირველად ბაზარზე, თუმცა შემცირდა მეორად ბაზარზე. საბოლოო ჯამში, ორგანიზაციის განცხადებით, მცირე კლების მიუხედავად, ბაზარზე მოთხოვნა ჯანსაღი რჩება.
მიმდინარე წლის ივლისში გაყიდვები შემცირდა თბილისის ყველა ცენტრალურ უბანში (საბურთალო, ვაკე, მთაწმინდა), ხოლო გარეუბნებში სამგორში, დიდი დიღომსა და ნაძალადევში მკვეთრი ზრდა დაფიქსირდა.
რაც შეეხება ფასს, ივლისში ფასი პირველად ბაზარზე წინა თვესთან შედარებით 0.8%-ით გაიზარდა. ფასი ასევე გაიზარდა მეორადი ბაზრის ძველ ბინებზე 2.7%-ით წინა თვესთან შედარებით. საანგარიშო პერიოდში ჯამში 256.3 მლნ დოლარის ღირებულების ბინა გაიყიდა. ეს წლიურად 14.5%-იანი ზრდაა და Galt & taggart-ის განცხადებით, ძირითადად წინა წელთან შედარებით გაზრდილი ღირებულებითაა განპირობებული.
კვლევიდან ირკვევა, რომ 2023 წლის ივლისში ყველაზე მეტი ბინა 51 - 80 კვ.მ სეგმენტში გაიყიდა. მთლიანი გაიდვების თითქმის ნახევარი სწორედ ამ ფართობის ბინებზე მოდის. 32%-ით კი მეორე ადგილზეა 26 - 50 კვ.მ. ფართობის ბინები.
საანგარიშო პერიოდში [2023 წლის ივლისი] ყველაზე მეტი 637 ბინა სამგორში გაიყიდა; მეორე ადგილზეა საბურთალო 590 გაყიდული საცხოვრებლით, მესამე ადგილზეა დიდი დიღომი 586 - ბინით, მეოთხე ადგიზეა გლდანი 417 გაყიდული ბინით, ხოლო მეხუთე ადგილს ნაძალადევი იკავებს 338 ბინით.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
