Counter-Strike 2 ოფიციალურად გამოვიდა! ტაქტიკური შუთერი ახალ ერას იწყებს. Valve-მ თამაში შეზღუდულ სატესტო რეჟიმში ჯერ კიდევ მარტში გამოუშვა, მას შემდეგ კი CS2-ის ზუსტი გამოსვლის თარიღი უცნობი იყო.
Counter-Strike 2 Valve's Source 2 ძრავზეა დაფუძნებული, გაუმჯობესებულია ინტერფეისი და განახლებულია Community Workshop ინსტრუმენტები. თამაშის გადმოწერა Steam-ის პლატფორმიდანაა შესაძლებელი (მეხსიერება 27 GB). აღსანიშნავია ისიც, რომ ყველა ელემენტი, რომლებიც გეიმერებს CS:GO-ში ჰქონდათ შეგროვებული, ახალ თამაშში გადმოყვებათ.
იმის გათვალისწინებით, რომ თამაშში ბევრი ახალი სკინი ანუ ვირტუალური ნივთია, მის შესაძენად მოთამაშეებმა საკმაოდ ბევრი თანხა დახარჯეს - თამაშის გამოსვლიდან 40 წუთში Case Openings-იდან Valve-მ 40 მილიონი დოლარი გამოიმუშავა.
CS:GO-ს 11-წლიანი დომინაცია დასრულდა. თამაშმა eSports-ის სცენებზე მრავალი დასამახსოვრებელი მომენტი შექმნა და გეიმინგის განვითარებაში უდიდესი წვლილი შეიტანა, ახლა კი ასპარეზზე Counter-Strike 2 გამოდის - ახალი რეჟიმებითა და შესაძლებლობებით, ამ მოვლენით თანამედროვე კიბერსპორტი ახალ ეტაპზე გადავიდა.
ავსტრიის ქალაქი გრაცის სკოლაში სროლას ათი ადამიანი ემსხვერპლა. ინფორმაციას BBC ადგილობრივ პოლიციაზე დაყრდნობით ავრცელებს.
ამასთან ერთად, სროლის დროს სულ მცირე 30 ადამიანი დაშავდა. ყველა დაშავებული სამედიცინო დაწესებულებებშია გადაყვანილი.
მომხდარს უკვე გამოეხმაურნენ ავსტრიის პრეზიდენტი, ალექსანდერ ვან დერ ბელენი და კანცლერი, კრისტიან სტოკერი. სტოკერმა მომხდარს ეროვნული ტრაგედია უწოდა.
ინციდენტი სკოლაში დღეს მოხდა. წინასწარი ინფორმაციით, შეიარაღებული მოსწავლე სასწავლო დაწესებულებაში შევარდა და სროლა ატეხა. წინასწარი ინფორმაციით, ბრალდებულმა მომხდარის შემდეგ თავი მოიკლა.