,
ისრაელში სრულ განაკვეთზე მომუშავე მასწავლებლები საშუალოდ 13 880 ისრაელის შეკელს გამოიმუშავებენ, რაც დაახლოებით $4,314-ს შეადგენს. ამასთან, როგორც The Jerusalem Post-ი წერს, მრავალწლიანი გამოცდილების მქონე მასწავლებლები დამწყებებთან შედარებით 3.7-ჯერ მეტს გამოიმუშავებენ.
საბავშვო ბაღის მასწავლებლები საშუალოდ $4,005 იღებენ თვეში და 30.4 საათს მუშაობენ კვირაში.
რაც შეეხება საწყის საშუალო ხელფასს, ადგილობრივი მედიის ინფორმაციით ის $2,635-ს შეადგენს.
ცნობისთვის, ქვეყანაში 138,600-მდე მასწავლებელია, მათგან სრულ განაკვეთზე (კვირაში 36 საათი) 115,285 პედაგოგია. აქ იგულისხმება 20,600 საბავშვო ბაღის და 5,700 სკოლის მასწავლებელი.
აღსანიშნავია, რომ The Jerusalem Post-ის ცნობით, ისრაელის ბიუჯეტის 10.8% სწორედ განათლების სექტორზე მოდის.
