ისრაელის თავდაცვის მინისტრი - ირანმა „წითელი ხაზები გადაკვეთა“ და „ძალიან მძიმე ფასს“ გადაიხდის

Date: 512

ისრაელის თავდაცვის მინისტრის ისრაელ კაცის განცხადებით, სამოქალაქო ცენტრებზე სარაკეტო დარტყმებით ირანმა „წითელი ხაზები გადაკვეთა“.

მისი თქმით, თეირანი თავისი ქმედებებისთვის „ძალიან მძიმე ფასს“ გადაიხდის.

ამასთან, ისრაელის თავდაცვის ძალების ცნობით, ირანმა ჯამში 150 ბალისტიკური რაკეტა გაუშვა. არსებული ცნობებით, რაკეტებით ჩამოვარდნის 9 ლოკაცია არსებობს. 15 ადამიანი დაშავდა, რომელთა უმრავლესობას მსუბუქი დაზიანებები აქვს.

ირანის სახელმწიფო მედიამ, თავის მხრივ, განაცხადა, რომ თეირანმა ისრაელის მიმართულებით „ასობით სხვადასხვა ბალისტიკური რაკეტა” გაუშვა

tbilisi

ნაძალადევის რაიონში ლიფტების სარეაბილიტაციო სამუშაოები კიდევ ხუთ მისამართზე ჩატარდა

ნაძალადევის რაიონში საცხოვრებელი კორპუსების კეთილმოწყობის სამუშაოები აქტიურად მიმდინარეობს.

,,ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, მოძველებული ლიფტების რეაბილიტაცია ხუთ მისამართზე განხორციელდა.

ლიფტები შემდეგ მისამართებზე განახლდა:

ზღვისუბნის დასახლება, მე-11 მიკრორაიონი, პირველი კვარტალი, კორპუსი N7ა, ღირებულება - 49 450 ლარი;

ზღვისუბნის დასახლება, მე-4 მიკრორაიონი, კორპუსი N5ა, ღირებულება - 96 000 ლარი;

ზღვისუბნის დასახლება, მე-11 მიკრორაიონი, პირველი კვარტალი, კორპუსი N30, ღირებულება - 30 730 ლარი;

ზღვისუბნის დასახლება, მე-3 მიკრორაიონი, მე-2 კვარტალი, კორპუსი N26, ღირებულება - 30 970 ლარი;

ზღვისუბნის დასახლება, მე-4 მიკრორაიონი, კორპუსი N7ა, ღირებულება - 31 665 ლარი;

აღნიშნულ მისამართებზე სარეაბილიტაციო-სარეკონსტრუქციო სამუშაოებისთვის ნაძალადევის რაიონის გამგეობის ბიუჯეტიდან, ჯამში, 238 815 ლარი დაიხარჯა.