მიზანი "ჰამასის" განადგურებაა, ჭორები ღაზას სექტორის პალესტინის ეროვნული ადმინისტრაციისადმი გადაცემის შესახებ - ტყუილია, - ამის შესახებ განცხადებას ისრაელის პრემიერ-მინისტრის ოფისი ავრცელებს.
განცხადება მას შემდეგ გავრცელდა, რაც ისრაელის რამდენიმე მედიასაშუალებამ ცნობები გაავრცელა, თითქოს ისრაელი "ჰამასის" ჩამოგდების შემდეგ ღაზას სექტორის პალესტინის ეროვნული ადმინისტრაციისადმი გადაცემის იდეას განიხილავს.
“პრემიერ-მინისტრმა ნეთანიაჰუმ ამოცანა განსაზღვრა: "ჰამასის" განადგურება. ყველა საუბარი ღაზას სექტორის პალესტინის ადმინისტრაციისადმი ან ნებისმიერ სხვა მხარისადმი გადაცემის გადაწყვეტილების შესახებ არის ტყუილი”, - ნათქვამია ისრაელის პრემიერ-მინისტრის ოფისის განცხადებაში.
