ისნის რაიონში, იზაშვილის ქუჩა N4-ის მიმდებარედ, სახლს კაპიტალური გამაგრება უტარდება.
ამ ეტაპზე, უკვე დასრულდა მზიდი კედლების დემონტაჟი , გასუფთავება და აღდგენა. მოიჭრა მიწა 40 სმ სიღრმეზე, მომზადდა არმატურა, დაისხა გობური ფილა და ჩაისხა კედლები ორმაგი არმირებით. სამუშაოების ფარგლებში, სრულდება ფუნდამენტის სრული გამაგრების სამუშაოები, რის შემდეგაც დაიწყება პირველი და მეორე სართულების კედლების არმირება, დასაშლელი ნაწილის დაშლა და აღდგენა.
სართიჭალის და იზაშვილის ქუჩების მხრიდან გამაგრდა მთლიანი საძირკველი. სამუშაოების განსახორციელებლად გამგეობის ბიუჯეტიდან 234 316 ლარია გამოყოფილი. პროექტს ადგილზე ისნის რაიონის გამგებელი ნიკა ელისაშვილი მაჟორიტარ დეპუტატ კახა ლაბუჩიძესთან ერთად გაეცნო და ადგილობრივ მცხოვრებლებს შეხვდა.
ისნის რაიონში, "ბინათმესაკუთრეთა ამხანაგობის განვითარების ხელშეწყობის" პროგრამის ფარგლებში, კაპიტალური გამაგრების სამუშაოები კიდევ ორ მისამართზე მიმდინარეობს.
