ისნის რაიონის გამგეობა ვაზისუბანში, წულუკიძის მე-3 შესახვევში, N3 და N5 კორპუსების მიმდებარედ ახალი სპორტული მოედნისა და სკვერის მოწყობის სამუშაოებს ახორციელებს.
დაგეგმილი პროექტი სამუშაოების დაწყებამდე ისნის რაიონის გამგებელმა ნიკა ელისაშვილმა ადგილობრივ მოსახლეობას გააცნო და პროექტის დეტალები მათთან ერთად განიხილა.
ამჟამად, სამუშაოები აქტიურ ფაზაშია, ეწყობა საბავშვო ატრაქციონები, სპორტული მოედანი, დასასვენებელი სივრცე, ასევე, ტარდება გამწვანების სამუშაოები. პროექტის მიხედვით, ტერიტორია დეკორატიული ფილებით მოპირკეთდება, განთავსდება საბაღე სკამები და ურნები. პროექტის ღირებულება 315 000 ლარია.
ინფრასტრუქტურული პროექტების ფარგლებში ამ ეტაპზე რაიონში 10 ახალი სკვერისა და 2 სპორტული მოედნის მოწყობა სრულდება.
