ისანში, ე.წ. მერვე ლეგიონის დასახლებაში, წულუკიძის პირველ ნომერში ავტოფარეხში აფეთქება მოხდა.
„პუბლიკას“ საგანგებო სიტუაციების მართვის სამსახურში უთხრეს, რომ დაშავდა ერთი ადამიანი, რომელიც სასწრაფომ კლინიკაში გადაიყვანა. კაცი კონტაქტური იყო.
„ტვ პირველის“ ცნობით, აფეთქების შედეგად ავტოფარეხის მოპირდაპირედ კორპუსის პირველ სართულზე ბინაში შუშები ჩაიმსხვრა და დაზიანდა იქვე მდგარი მანქანა.
რა გახდა აფეთქების მიზეზი, გამოძიებამ უნდა დაადგინოს.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
