USD 2.6978
EUR 2.9112
RUB 2.9177
თბილისი
ირანსა და ავღანეთს შორის, წყლის რესურსების განაწილების გამო, დაწყებული შეიარაღებული დაპირისპირება გრძელდება
თარიღი:  306
ინტენსიური შეტაკებები მიმდინარეობს ირან-ავღანეთის საზღვარზე, ნიმრუზის პროვინციის სადავო ზონებში, თავდაპირველად, კონფლიქტი დაიწყო წყლის რესურსების განაწილების გამო, რასაც ადგილზე ხელჩართული დაპირისპირება მოჰყვა ავღანელებსა და ირანელ მესაზღვრეებს შორის.
 
1973 წლის შეთანხმების მიხედვით, ავღანეთს ვალდებულება აქვს ნაკისრი, წლიურად ირანს მიაწოდოს 850 მილიონი წყალი ავღანეთის ყველაზე გრძელი მდინარე ჰელმანდიდან, რომელიც ჰამუნის ტბას ამარაგებს წყლით. ირანმა ავღანეთს ბრალი დასდო, რომ არ ასრულებს შეთანხმების პირობებს, რასაც ქაბული უარყოფს.
 
ირანელმა მესაზღვრეებმა, ადგილობრივებთან ერთად გაყარეს ავღანელები, საპასუხოდ, თალიბანის მებრძოლებმა მსხვილკალიბრიანი ტყვიამფრქვევების და ბუქსირებადი ჰაუბუცების გამოყენებით დაბომბეს ირანის სასაზღვრო ძალების გამშვები პუნქტები და დაიწყეს სახმელეთო შეტევა მათ ასაღებად, ირანულ სასაზღვრო პუნქტებზე თავდასხმას, 2-3 ირანელი მესაზღვრე ემსხვერპლა.
 
შესაბამისად, ირანული მხრიდან მიღებულ იქნა თალიბანური საცეცხლე პოზიციების ჩახშობის გადაწყვეტილება, რომელშიც ჩაერთო ირანული ავიაცია და არტილერია, რამდენიმე საათიანი მასშტაბური დაბომბვების შედეგად თალიბანის მებრძოლებმა სასაზღვრო ზონიდან უკან დაიხიეს, თუმცა ძალების დაგროვება დაიწყეს მიმდებარე რაიონებში.
 
ადგილზე გამოჩნდა, თალიბანელთა ამერიკული და საბჭოთა ჯავშანტექნიკა და დიდი რაოდენობით ცოცხალი ძალა, ხოლო ძალების მეთაურად თალიბანის თავდაცვის მინისტრის გადაწყვეტილებით, ეთნიკურად ტაჯიკი აბდულჰამიდ ხორასანამი მოგვევლინა, იგივე ნასერ ბადრი, რომელმაც საგანგებო ვიდეომიმართვით გააფრთხილა ირანი, რომ იგი აპირებს ირანელებს „მეტი შემართებით“ შეებრძოლოს, ვიდრე ისინი იბრძოდნენ აშშ-ის ძალების წინააღმდეგ. ხორასანამის თქმით, ირანს დაპყრობილი აქვს ავღანეთის ისტორიული მიწები და თუ კი იქნება ბრძანება თალიბანის ხელმძღვანელობიდან, ისინი უმალ გაათავისუფლებენ მათ ტერიტორიებს.
 
ადგილზე შექმნილი ესკალაციის ფონზე, ირგკ-ის ძალების სამხრეთ სარდლობამ სასაზღვრო ზონაში მზადყოფნის უმაღლესი დონე გამოსცა და დაიწყო ძალების ავღანეთის საზღვარზე თავმოყრა
 
სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.