,
ირანის საგარეო საქმეთა სამინისტრო მიიჩნევს, რომ აშშ-ის პრეზიდენტის, დონალდ ტრამპის გეგმა ღაზას სექტორთან დაკავშირებით შოკისმომგვრელია, - მედიის ინფორმაციით, ამის შესახებ ირანის საგარეო საქმეთა სამინისტროს პრესსპიკერმა, ისმაილ ბაქაიმ განაცხადა.
„ღაზას გაწმენდის და პალესტინელი ხალხის მეზობელ ქვეყნებში იძულებით გადასახლების გეგმას პალესტინელი ერის სრული განადგურების მიზნით სიონისტური რეჟიმის (ისრაელის) მიზანმიმართული გეგმის გაგრძელებად განვიხილავთ, უარვყოფთ და ვგმობთ“, - აღნიშნა ბაქაიმ.
შეგახსენებთ, აშშ-ის პრეზიდენტმა, დონალდ ტრამპმა გუშინ განაცხადა, რომ შეერთებული შტატები ღაზას სექტორზე კონტროლს დააწესებს და განადგურებული ანკლავის აღდგენას უზრუნველყოფს.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
