,
ირანის პრეზიდენტმა, მასუდ ფეზეშქიანმა უზენაესი ლიდერის ოფისს გადადგომის თაობაზე ოფიციალური წერილი წარუდგინა. ამის შესახებ წყარომ Iran International-ს განუცხადა.
გამოცემის წყაროს ინფორმაციით, გაგზავნილ წერილში ფეზეშქიანმა აღნიშნა, რომ პრეზიდენტი და მთავრობა ფაქტობრივად ჩამოშორებულნი არიან ქვეყანაში მნიშვნელოვანი და სასიცოცხლო გადაწყვეტილებების მიღების პროცესს.
"მისი თქმით, ამ მდგომარეობით შექმნილმა ვაკუუმმა საშუალება მისცა ისლამური რევოლუციის გუშაგთა კორპუსის (IRGC) მკაცრი ხაზის წარმომადგენლებს, ხელში აეღოთ ქვეყნის მართვის ძირითადი ბერკეტები.
ფეზეშქიანმა ასევე აღნიშნა, რომ ასეთ პირობებში ვერ ახერხებს მართვას და კანონით დაკისრებული მოვალეობების შესრულებას, რის გამოც დაუყოვნებლივი გადადგომა მოითხოვა", - წერს გამოცემა.
დონალდ ტრამპის განცხადებით, აშშ ირანში ხიდებსა და ელექტროსადგურებს გაანადგურებს, თუ ირანი ჰორმუზის სრუტეში გემებს თავს დაესხმება.
„ამ მომენტიდან ყოველ ჯერზე, როდესაც ირანის ისლამური რესპუბლიკა რაკეტით, დრონით ან სხვა იარაღით ჰორმუზის სრუტეში გემს დაარტყამს, ამერიკის შეერთებული შტატები დაბომბავს და გაანადგურებს ერთ ხიდს ან ელექტროსადგურს“, - წერს ტრამპი Truth Social-ზე.
ტრამპის თქმით, აშშ ირანის დედაქალაქ თეირანში და მის სიახლოვეს მდებარე ხიდებსა და ელექტროსადგურებსაც დაარტყამს.
