,
ირანის ისლამური რევოლუციის გვარდიის მეთაური გენერალ-მაიორი ჰუსეინ სალამი აცხადებს, რომ ირანის მუქარა გენერალ ყასემ სულეიმანის მკვლელობის გამო შურისძიების შესახებ სერიოზული და სარწმუნოა.
„ეს მუქარა სერიოზულია და ამას საქმით დავამტკიცებთ,“- აღნიშნა სალამიმ, თუმცა უარყო ინფორმაცია იმის შესახებ, რომ გენერალ სულეიმანის მკვლელობის გამო ირანის სამიზნე აფრიკაში აშშ-ს ელჩია.
„ფიქრობთ, რომ ჩვენი მოკლული ძმის სისხლის გამო შურს ქალ ელჩზე ვიძიებთ? ჩვენი სამიზნე ისინი იქნებიან, ვინც ამ დიდებული კაცის მოწამეობრივ აღსასრულში პირდაპირი ან არაპირდაპირი როლი ითამაშა,“- აღნიშნა ჰუსეინ სალამიმ.
შეგახსენებთ, 3 იანვარს, აშშ-ის სამხედრო ძალების მიერ ჩატარებული სპეცოპერაციის დროს ირანის ისლამური რევოლუციური გვარდიის კორპუსის „ყუდსის ძალები“ მეთაური ყასემ სულეიმანი დაიღუპა.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
