ძალიან კარგი სასტარტო პოზიციები გვაქვს იმისათვის, რომ ამ საპარლამენტო არჩევნებში ჩვენ საკონსტიტუციო უმრავლესობა მივიღოთ - საკონსტიტუციო უმრავლესობაში, ვგულისხმობ 113 მანდატს და არა 100 მანდატს, - ამის შესახებ პრემიერ-მინისტრობის კანდიდატმა, ირაკლი კობახიძემ განაცხადა.

მისივე თქმით, მათი ამოცანაა, რომ „რადიკალურმა ოპოზიციამ, რაც შეიძლება ნაკლები მანდატი მიიღოს“.

„ნაცმოძრაობას“ და გახარიას კოალიციები აქვს შექმნილი საკრებულოში, აქედან გამომდინარე, აშკარად ჩანს რამდენად ფიქტიურია ეს გამიჯვნა. მიდის პატარა თამაშები. საბოლო ჯამში, ჩვენი ამოცანა არის ის, რომ რადიკალურმა ოპოზიციამ, რაც შეიძლება ნაკლები მანდატი მიიღოს პარლამენტში. ჩვენი სურვილია საკონსტიტუციო უმრავლესობა მივიღოთ. ბოლო კვლევების მიხედვით 60%-თან ახლოს არის ჩვენი რეიტინგი, შესაბამისად, ამის ძალიან კარგი შანსი გვაქვს. ასევე, მნიშვნელოვანია, რომ რაც შეიძლება ნაკლები რადიკალური ოპოზიციური პარტია შევიდეს პარლამენტში. ამის ყველანაირი რესურსი არსებობს, შესაბამისად, ძალიან კარგი სასტარტო პოზიციები გვაქვს იმისათვის, რომ ამ საპარლამენტო არჩევნებში მივიღოთ ჩვენ საკონსტიტუციო უმრავლესობა. საკონსტიტუციო უმრავლესობაში ვგულისხმობ 113 მანდატს და არა 100 მანდატს“, - განაცხადა კობახიძემ.