,
მათთან ვაჭრობას არ ვაპირებთ, უნდათ?! უნდათ. არ უნდათ - კარგად იყვნენ,- ასე უპასუხა საპარლამენტო უმრავლესობის ლიდერმა ირაკლი კობახიძემ ჟურნალისტების კითხვას, მიმდინარეობს თუ არა ფასილიტატორებისგან დამოუკიდებელი მოლაპარაკებები “ნაციონალურ მოძრაობასა” და “ევროპულ საქართველოსთან”. ამასთან, კობახიძე იმედოვნებს, რომ ეს ორი პარტია პარლამენტში არ შევა.
“მე იმედი მაქვს, რომ ყველა არ შემოვა პარლამენტში. იმედი მაქვს, ოპოზიციის რადიკალური ნაწილი პარლამენტში არ იქნება წარმოდგენილი. ეს არის “ნაცმოძრაობის” რადიკალური ფრთა ანუ სააკაშვილის ხაზი და მელიას ხაზი და “ევროპული საქართველო”. დიდი იმედი მაქვს, ისინი პარლამენტში არ იქნებიან წარმოდგენილები. რაც შეეხება სხვებს, ვიმუშავებთ იმისთვის, რომ სხვა პოლიტიკური ძალები იყვნენ პარლამენტში წარმოდგენილები”,- განაცხადა კობახიძემ.
რაც შეეხება ფასილიტატორების გარეშე მოლაპარაკებებს სხვა ოპოზიციურ პარტიებთან, კობახიძე აღნიშნავს, რომ ეს პროცესი ხუთზე მეტ ოპოზიციურ პარტიასთან მიმდინარეობს.
“ჩვენ დიპლომატებმა გვთხოვეს ასეთი კონსულტაციების წარმართვა და თითქმის ყველა პარტიასთან გვქონდა მთელი ამ პერიოდის განმავლობაში ასეთი ტიპის ორმხრივი კონსულტაციები. იყო თითქმის ყველა პარტია, ერთი ან ორი პარტიის გამოკლებით, ვისთანაც ასეთი კონსულტაციები არ იმართებოდა. ეს ყველაფერი გაგრძელდება და დაველოდებით მეხუთე რაუნდს, სადაც უნდა გაირკვეს, საით მიდის პროცესი”,- განაცხადა კობახიძემ.
კითხვაზე, შესაძლებელია თუ არა, რომ მოლაპარაკებებში მონაწილე პარტიებიდან რომელიმე პარლამენტში შევიდეს, ირაკლი კობახიძე ამბობს, რომ ამის სურვილი ბევრს აქვს, თუმცა “გავლენის ქვეშ არიან”.
“სურვილი აქვს ბევრს, მაგრამ ისინი არიან ამჟამად შანტაჟის და გავლენის ქვეშ, წინააღმდეგ შემთხვევაში ისინი უკვე იქნებოდნენ პარლამენტში შემოსულები. მაგრამ გამომდინარე შემოსვლის ზოგადი სულისკვეთებიდან, ჩვენ გვაქვს ოპტიმიზმის საფუძველი, რომ უახლოეს მომავალში ისინი პარლამენტში შემოვლენ”,- განაცხადა კობახიძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
