,
თავდაცვის მინისტრი ირაკლი ღარიბაშვილი დღეს პარალემენტში, „მინისტრის საათის“ ფარგლებში მოხსენებით გამოდის. თავის სიტყვაში ღარიბაშვილი საქართველოს მთავარ გამოწვევებზე საუბრობს, მათ შორის, რუსულ ოკუპაციასა და ჰიბრიდულ ომს ახსენებს.
„მოგეხსენებათ, საქართველოს წინაშე დღეს არსებულ უმთავრეს გამოწვევად რჩება რუსული ოკუპაცია. ჩვენი წინა ხელისუფლებისგან მემკვიდრეობად მივიღეთ ურთულესი უსაფრთხოების გარემო და ყოველდღიურად გვიწევს ე.წ. ბორდერიზაციასთან გამკლავება.
შავი ზღვა – კავაკასიის რეგიონზე დემოკრატიულ სამყაროს წვდომისთვის ჩვენს ქვეყანას გააჩნია კრიტიკული მნიშვნელობა. რეგიონის მნიშვნელობის ფონზე იკვეთება საქართველოს წინაშე, ისევე, როგორც მთლიანად რეგიონის უსაფრთხოებაზე მომდინარე პირდაპირი და არაპირდაპირი საფრთხეები, რომელთა პრევენციისთვის განსაკუთრებული მნიშვნელობა ენიჭება მოქნილი და ეფექტიანი თავდაცვითი შესაძლებლობების არსებობას.
შავი ზღვა -კავკასიის რეგიონის მილიტარიზაცია და იქ განლაგებული რუსეთის თანამედროვე, საჰაერო, საზღვაო თუ სახმელეთო კომპონენტებით ფორმირებული შეზღუდული წვდომის ზონები მნიშვნელოვნად ართულებს დასავლეთზე სამხედრო-პოლიტიკურ წვდომას.
უმნიშვნელოვანეს გამოწვევას წარმოადგენს საქართველოს საზღვრების სიახლოვეს მაღალი სიზუსტის და დიდი სიშორის – სახმელეთო, საზღვაო და საჰაერო ბაზირების სარაკეტო კომპონენტების არსებობა. საქართველოს ოკუპირებულ ტერიტორიაზე განლაგებული საოკუპაციო ძალების სამხედრო ბაზები, კერძოდ მე-7 და მ3-4 ბაზები, და რეგიონის გამალებული მილიტარიზაცია არღვევს ძალთა ბალანსს და საფრთხეს უქმნის რეგიონის უსაფრთხოების გარემოს.
გარდა ამისა, რეგიონში არსებული ე.წ. გაყინული კონფლიქტების არსებობა, ასევე სიახლოვე გლობალური ტერორიზმის კერებთან, კერძოდ ახლო აღმოსავლეთის რეგიონი, საფრთხეს უქმნის რეგიონის სტაბილურობას“, – ამბობს ღარიბაშვილი.
რაც შეეხება შიდა საფრთხეებს, თავდაცვის მინისტრი ჰიბრიდულ ომს ასახელებს, რა დროსაც ასევე გამოიყენება ინფორმაციული და პროპაგანდისტული საშუალებები.
„შიდა საფრთხეებიდან განსაკუთრებულ საფრთხეს წარმოადგენს ჰიბრიდული მოქმედებები, რასაც ყოველდღიურად ვაწყდებით. მოწინააღმდეგე საკუთარი სტრატეგიული მიზნების მისაღწევად სულ უფრო ხვეწს ჰიბრიდული ომის წარმოების ელემენტებს.
როგორც უკვე აღვნიშნე, ერთ-ერთ უმნიშვნელოვანეს გამოწვევას წარმოადგენს ე.წ. ბორდერიზაციის პროცესი, თანმდევი საინფორმაციო, ფსიქოლოგიური და პროპაგანდისტული ოპერაციების წარმოებით“ ,- განაცხადა ირაკლი ღარიბაშვილმა.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
