,
საქართველოს პრემიერ-მინისტობის კანდიდატმა ირაკლი ღარიბაშვილმა, პარლამენტში სიტყვით გამოსვლისას განვლილ ბოლო 30 წელზე ისაუბრა და თქვა, რომ მიუხედავად ბევრი კარგი ნაბიჯისა, ქვეყანამ არაერთი შეცდომა დაუშვა, რომლის შედეგებსაც „დღეს ვიმკით“.
პრემიერობის კანდიდატი ამბობს, რომ ქვეყანას ბევრი შიდა თუ გარე მტერი ჰყავს, მაგრამ სიმართლე ის არის, რომ ზოგი რამ უმეცრებით, ზოგი მერკანტილური მიზნებით „ბევრი რამ ცუდი დავმართეთ ჩვენს ქვეყანას“.
ირაკლი ღარიბაშვილმა საქართველოს უახლეს ისტორიაზე საუბრისას განსაკუთრებულად გაუსვა ხაზი "ვარდების რევოლუციას".
მისივე თქმით, ვარდების რევოლუციაზე მოსახლეობამ დიდი იმედები დაამყარა, თუმცა მოჩვენებითი განვითარების ნაცვლად, მივიღეთ ისედაც უიმედოდ მყოფი ეკონომიკის ბოლომდე გაპარტახება.
„უგუნური, ანტისახელმწიფოებრივი პოლიტიკის მძიმე მემკვიდრეობა, რომელიც ჩვენ ჩავიბარეთ, ერთი ხელის მოსმით ვერ შეიცვლებოდა. 2012 წლის არჩევნების შემდეგ ხალხის გამარჯვების ერთ-ერთი მნიშვნელოვანი, ხელშესახები შედეგი იყო თავისუფლება დევნისა და წამებისგან, სახელმწიფო ინსიტუტების დეპოლიტიზაცია. თანდათან უმნიშვნელოვანესი ნაბიჯები გადაიდგა ეკონომიკის გაჯანსაღების, ჯანდაცვის სისტემის, სოციალური თანასწორობის მიმართულებით, დღევანდელი ჯარის და პოლიციის შედარება არ შეიძლება იმასთან, რაც დაგვხვდა“, - განაცხადა ირაკლი ღარიბაშვილმა.
ცნობითვის: 2014-2015 წლებში, როცა საქართველოს პრემიერ-მინისტრი ირაკლი ღარიბაშვილი იყო, ეკონომიკა, შესაბამისად, 4.4% და 3%-ით გაიზარდა.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
