ირაკლი ღარიბაშვილი: ის, რაც „ქართულმა ოცნებამ“ შეძლო ბოლო ათი წლის განმავლობაში, არის მართლაც უპრეცედენტო, ჩვენ გვაქვს უწყვეტი მშვიდობიანი, სტაბილური პერიოდი, რაც არის ჩვენი ქვეყნის განვითარების საფუძველი, - ამის შესახებ პრემიერ-მინისტრმა ირაკლი ღარიბაშვილმა პარლამენტის პლენარულ სხდომაზე განაცხადა, სადაც ყოველწლიური მოხსენებით წარსდგა.
„ჩვენ გვიწევს მუშაობა ვითარებაში, როდესაც არა მხოლოდ გარე საფრთხეები გვაქვს, არამედ შიდა საფრთხეები. შიდა მტრების დესტრუქციული ქმედებები წარმოადგენს პირდაპირ გამოწვევას ჩვენი ქვეყნისთვის, ჩვენი სტაბილურობისთვის. ის, რაც „ქართულმა ოცნებამ“ შეძლო ბოლო ათი წლის განმავლობაში, არის მართლაც უპრეცედენტო, ჩვენ გვაქვს უწყვეტი მშვიდობიანი, სტაბილური პერიოდი, რაც არის საფუძველი სწორედ ჩვენი ქვეყნის განვითარების“, - განაცხადა ღარიბაშვილმა.