ასეთი გონორით ნუ ლაპარაკობთ აქ, - ასე უპასუხა საქართველოს პრემიერ მინისტრმა ირაკლი ღარიბაშვილმა „მთავრი არხის“ ჟურნალისტის, კითხვას: „ომი 8 აგვისტოს დაიწყო თუ 7 აგვისტოს?“. ღარიბაშვილის თქმით, სააკაშვილის ხელისუფლება ყოველთვის 8 აგვისტოს აღნიშნავდა ომის დაწყებას და ეს დამკვიდრებული პრაქტიკა და ტრადიციაა.
„ასეთი გონორით ნუ ლაპარაკობთ აქ, თქვენ აქ გმირი ოჯახების წინაშე ხართ. თარიღებით სპეკულირება არის სირცხვილი, ფაქტებზე და შედეგებზე ილაპარაკეთ, შედეგი კი არის ის, რომ ჩვენი ქვეყნის 20% ოკუპირებულია რუსეთის მიერ და, შესაბამისად, ამაზე ვილაპარაკოთ და იმაზე ვიფიქრო, თუ როგორ დავძლიოთ დეოკუპაცია. თქვენი ხელისუფლება, სააკაშვილის და თქვენი ლიდერის, მფლობელის და მაკონტროლებელის ხელისუფლება ყოველთვის 8 აგვისტოს აღნიშნავდა, ეს იყო ასე ვთქვათ, დამკვიდრებული პრაქტიკა და ტრადიცია. შესაბამისად, მე გთხოვთ, რომ ისეთი თემები როგორიც არის ქვეყნის სუვერენიტეტი, ჩვენი დამოუკიდებლობა, ომი, ტრაგედია, ამ ერთ დღეს მაინც შეწყვიტეთ ეს პოლიტიკური სპეკულაციები“, - განცხადა ღარიბაშვილმა.