USD 2.7277
EUR 3.0441
RUB 2.9473
Tbilisi
ირაკლი ღარიბაშვილი - დავუფიქსირე შუამავლობის მზადყოფნა ორივე ქვეყნის ლიდერს
Date:  500

"მე მინდა მადლობა გადავუხადო ორივე ქვეყნის ლიდერს, პრეზიდენტ ალიევს და პრემიერ-მინისტრ ფაშინიანს.

ჩვენ ძალიან აქტიური როლი შევასრულეთ. მე პირადად ვიყავი ჩართული 24 საათიან რეჟიმში ორივე ქვეყნის ლიდერთან მქონდა სატელეფონო საუბარი და ჩვენს სტრატეგიულ პარტნიორთან ვიყავი მჭიდრო კოორდინაციაში. ეს დასრულდა კონკრეტული შედეგით", - ამის შესახებ საქართველოს პრემიერ-მინისტრმა ირაკლი ღარიბაშვილმა აზერბაიჯანსა და სომხეთს შორის დასრულებული მოლაპარაკებების კომენტირებისას განაცხადა. 

მისი თქმით, საქაღთველო გამოთქვამს მზადყოფნას, რომ ისევ შეასრულოს შუამავლის და მედიატორის როლი ამ საკითხებში. 

"ეს პროცესი ჩვენ დავიწყეთ ერთი თვის წინ, როდესაც მე მქონდა საუბარი ორივე ქვეყნის ლიდერთან, პრეზიდენტ ალიევთან და პრემიერ-მინისტრ ფაშინიანთან. ჩვენ უკვე გუშინ დავასრულეთ კონკრეტული შედეგით. საქართველომ ხელშემწყობის თუ ფასილიტაციის როლი იკისრა ჩვენს სატრატეგიულ პარტნიორთან ერთად. შესაძლებელი გახდა 15 სომეხი სამხედროს გათავისუფლება. მეორე მხრივ, რა თქმა უნდა სომხეთის მხრიდან აზერბაიჯანისთვის იქნა გადაცემული ძალიან მნიშვნელოვანი მასალა და დოკუმენტაცია, რომელიც შეეხება დანაღმულ ტერიტორიას, რაც იყო ძალიან მნიშვნელოვანი აზერბაიჯანისთვის", - განაცხადა ირაკლი ღარიბაშვილმა.

პრემიერ-მინისტრმა გამოთქვა იმედი, რომ პროცესი დასრულდება საერთო მშვიდობისა და სტაბილურობის მიღწევით რეგიონში. 

region
სოფელ ოკამში 75 აღსაზრდელზე გათვლილი საბავშვო ბაღის მშენებლობა დასკვნით ეტაპზეა, შიდა ქართლში ამჟამად მიმდინარეობს 28 ბაღის მშენებლობა და რეაბილიტაცია.
შიდა ქართლის რეგიონში, კასპის მუნიციპალიტეტის სოფელ ოკამში 75 აღსაზრდელზე გათვლილი საბავშვო ბაღის მშენებლობა დასკვნით ეტაპზეა
 
დასრულებულია საბავშვო ბაღის შენობის კონსტრუქციული ნაწილის მშენებლობა, საინჟინრო სისტემების მონტაჟი და მოპირკეთების სამუშაოები
 
საბავშვო ბაღის ახალ შენობაში ეწყობა საძინებელი, სათამაშო, გამოსაცვლელი და ადმინისტრაციული ოთახები, სამზარეულო, სასადილო, სამრეცხაო, ლიფტი და საევაკუაციო კიბეები. ეზოებში მოეწყობა სათამაშო მოედნები
 
თანამედროვე სტანდარტებისა და დადგენილი ნორმების სრული დაცვით აშენებული ახალი საბავშვო ბაღის შენობა ადაპტირებულია შეზღუდული შესაძლებლობის მქონე პირთათვის და სპეციალური საგანმანათლებლო საჭიროებების მქონე აღსაზრდელებისათვის
 
„სოფელ ოკამში 75 ბავშვზე გათვლილი ახალი საბავშვო ბაღის მშენებლობა დასკვნით ეტაპზეა. მალე დასრულდება დარჩენილი სამუშაოები და ეზოს აღჭურვა ატრაქციონებით. ბაღში სრულად მოეწყო საინჟინრო ქსელები, ფუნქციური ოთახები, დარბაზი შემოქმედებითი განვითარებისთვის, კვების ბლოკი და ყველა სხვა აუცილებელი ინფრასტრუქტურული ელემენტი,“-ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ სოფელ ოკამის საბავშვო ბაღის მშენებლობის პროცესის მონახულების შემდეგ განაცხადა
 
პროექტს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი სახელმწიფო ბიუჯეტის 1.8 მილიონი ლარის დაფინანსებით ახორციელებს
2024-2025 წლებში შიდა ქართლის რეგიონში დასრულდება 24 საბავშვო ბაღის მშენებლობა და 4 ბაღის რეაბილიტაცია. მათ შორისაა, 200 აღსაზრდელზე გათვლილი საბავშვო ბაღის მშენებლობა დაბა სურამში.
See all
Survey
ვინ გაიმარჯვებს რუსეთ - უკრაინის ომში?
Vote
By the way