USD 3.4186
EUR 4.1392
RUB 4.6170
თბილისი
ირაკლი აბუსერიძის თაღლითობა „რაგბის ოჯახში“
თარიღი : 03.10.2021 12:38  120

საქართველოს რაგბის კავშირის პრეზიდენტს დღეს განმეორებით ყრილობაზე აირჩევენ. სოსო ტყემალაძე ერთადერთი კანდიდატია, თუმცა, რეგისტრაციაში გაუტარებელი ირაკლი აბუსერიძე ხვალ მუშტებით და კუნთებით იმუქრება და დაგეგმილი ყრილობის პიკეტირებას აპირებს.

ალბათ, საზოგადოების უდიდეს ნაწილს აქვს კითხვა, ტყემალაძე, რომელიც მოიაზრება ივანიშვილის მაღალი ნდობით აღჭურვილ პირად, რატომ არის მიუღებელი იმ ჯგუფისთვის, რომელთა ლიდერისა და თავად ჯგუფის წევრების ქცევები, დიდი ხანია დესტრუქციული გახდა.

თუმცა, იმ დოკუმენტაციის გამოქვეყნების შემდეგ, რომელიც „რეკორდერმა“ მოიპოვა, სავარაუდოდ, ირაკლი აბუსერიძეს ის გარემოცვაც უპირობოდ ჩამოეშლება, რომელიც ახლა გარშემო ჰყავს.

საქმე კი იმაშია, რომ ეროვნული ნაკრების მორაგეებისა და აბუსერიძის თანაგუნდელებისთვის, 2010 წელს საჩუქრად გადაცემულ მიწაში, ირაკლი აბუსერიძემ და ირაკლი მაჩხანელმა იმაზე მეტი სარგებელი და მოგება ნახეს, ვიდრე დანარჩენმა 43-მა პირმა.

2010 წელს, როდესაც საქართველოს მორაგბეთა ნაკრებმა, ტრაბზონში რუსეთი დაამარცხა, მაშინდელი ხელისუფლების გადაწყვეტილებით და რაგბის კავშირის იმჟამინდელი პრეზიდენტის, გია ნიჟარაძის ჩართულობით, მორაგბეებს ლისის მიმდებარე ტერიტორიაზე საჩუქრად 45 ათასი კვადრატული საცხოვრებელი მიწა გადაეცათ, თითოეულ მათგანს – 1000 კვ. მ.
მორაგბეებმა, მწვრთნელებმა და იმ პირებმა, ვისაც ეს მიწა ეკუთვნოდათ, ნოტარიული მინდობილობით უფლება საკუთრებაზე შპს „რაგბი სითის“ გადასცეს . „რაგბი სითის“ წილები კი, რეესტრში არსებული ჩანაწერების მიხედვით, რომელიც 2020 წლის 11 ნოემბერს განხორციელდა, შემდეგნაირად გადანაწილდა: 64% – ებრაული კომპანია „ჰორვატს“, 20 % – ირაკლი მაჩხანელი, 16% – „ფოიერ დეველოპმენტი“, რომლის დამფუძნებლებიც ასევე ებრაელები არიან.

„რაგბი სითიმ“ მორაგბეებთან დადო შეთანხმება, რომ თითოეული მათგანი 230 კვ. მ საცხოვრებელ ფართს მიიღებდა, მათ შორის, ირაკლი აბუსერიძე და ირაკლი მაჩხანელიც.

საუბარია 2019 წელს, როდესაც ირაკლი აბუსერიძე საქართველოს პარლამენტის წევრია.

როგორც „რეკორდერს“ წყარო უყვება, აბუსერიძემ საკუთარი კონტაქტები და პრივილეგიები გამოიყენა და მერიაში, არსებულ მიწის ნაკვეთზე მშენებლობის უფლების გაცემა შეაჩერებინა, თავად კი, ერთის მხრივ, მორაგბეების, მეორეს მხრივ კი – პარლამენტის წევრის სახელით ივაჭრა ებრაელებთან და შესაბამისად, გარდა კუთვნილი 230 კვ.მ საცხოვრებელი ფართისა ირაკლი მაჩხანელმა ოფიციალურად მიიღო წილი „რაგბი სითიში“ 20%-ის სახით, რასაც საჯარო რეესტრის ჩანაწერებიც ადასტურებს.

თუმცა, აქ არის ერთი საინტერესო დეტალი, 2020 წლის 8 დეკემბერს ირაკლი აბუსერიძესა და ირაკლი მაჩხანელს შორის იდება ხელშეკრულება წილის ნასყიდობის შესახებ, სადაც ირაკლი აბუსერიძე, (ხელშეკრულებით, შემდგომში პირველი მხარე), წილის 10 %-ს, საკუთრების უფლებით იღებს ირაკლი მაჩხანელის (ნასყიდობის ხელშეკრულებით „მეორე მხარე), წილიდან „რაგბი სითიში“.

„რეკორდერს“ წყარო უყვება, რომ დანარჩენი მორაგბეებისთვის, ეს ამბავი დღემდე უცნობია. საზოგადოებამ კი, ნათლად რომ გაიგოს, რა თანხაზე საუბარი, მოგების 20%-ი, არსებულ მიწაზე წარმოადგენს, დაახლოებით 6 000 კვ.მ საცხოვრებელ ფართს, დაახლოებით 5-6 მილიონი დოლარის საბაზრო ღირებულებით.

ახლა უკვე ნათელია, რატომ იბრძვის ირაკლი აბუსერიძე ასე გაშმაგებით რაგბის პრეზიდენტის პოსტისთვის. არსებულ მიწაზე, მშენებლობის უფლების ნებართვა ოფიციალურად ჯერ კიდევ არ არის გაცემული, თუმცა, წყაროს ცნობით, ირაკლი აბუსერიძემ უკვე მიიღო ებრაელი ინვესტორებისგან გარკვეული თანხა, მშენებლობის უფლების ნებართვის საკითხის მოსაგვარებლად.

უფრო ცხადი, რომ გავხადოთ, რაც აბუსერიძემ და მაჩხანელმა გააკეთეს, მორაგეების საკუთრებაში არსებული 45 ათასი კვადრატული მიწის ფართიდან, გარდა იმისა, რომ 230-230 კვ.მ საცხოვრებელი ფართები მიიღეს და ასე არგუნეს ყოფილ თანაგუნდელებს, თავიანთთვის, დამატებით 6 000 კვ.მ საცხოვრებელი ფართი მიისაკუთრეს და ოფიციალურად, წილებად გადაიფორმეს, ეს კი, დანარჩენ ყველა სხვა პირს დაუმალეს.

ამ მასალაში მოყვანილი ინფორმაცია სრულად გადამოწმებადია საჯარო რეესტრის ეროვნული სააგენტოს გვერდზე, ამიტომ, ნებისმიერ დაინტერესებულ პირს, შეუძლია მისი მოძიება.. სავარაუდოდ, იმას, რასაც რეესტრიდან ვიგებთ, სასიამოვნო სიურპრიზი არ უნდა აღმოჩნდეს ირაკლი აბუსერიძის თანაგუნდელებისთვის, რომლებსაც ახლა ის ისევ საკუთარი კეთილდღეობისთვის იყენებს, როგორც ეს თავის დროზე გააკეთა და თანაც, დაუმალა.

წყარო:https://recorder.ge/

 

საზოგადოება
ანტისანიტარიის გამო, მყინვარწვერი ევროპის ზოგმა ტურისტულმა კომპანიამ ტურებიდან ამოიღო

“მყინვარწვერზე დანაგვიანების პრობლემის მთავარი მიზეზი ტურისტები არიან ანუ ძირითადად ჩრდილოელი მეზობლები, ნაკლებ-გადამხდელუნარიანები, რომლებიც ღამეს ათევენ კარავში და არ ზრუნავენ გარემოზე,” - ამის შესახებ გადაცემა “საქმიან დილაში” ნიკა ერქომაიშვილმა, სამთო-გამყოლთა ასოციაციის დირექტორმა ისაუბრა და აღნიშნა, რომ სტუმრები, რომლებიც საქართველოში ჩამოდიან მყინვარწვერის დალაშქვრის მიზნით, ხელმეორედ ჩამოსვლაზე უარს ამბობენ სწორედ იმ ნარჩენების გამო, რომლებიც ადგილზე ხვდებათ.

“მდგომარეობა მართლა სავალალოა, აქ ტურისტებთან ერთად პრობლემაა ადგილობრივების თვითშეგნებაც და პარალელურად არც სახელმწიფო ერევა ნარჩენების მართვის პროცესში, ამიტომაც კონტროლის მექანიზმი არ არსებობს. ცხადია ტურისტებში არ ვგულისხმობ შეგნებულ სტუმრებს ევროპიდან, ამერიკიდან, რომლებიც პირიქით ზრუნავენ და გვეხმარებიან დასუფთავებაში, აქ იგულისხმება ჩრდილოელი მეზობლები რომლებიც გარდა იმისა, რომ ნაგავს ყრიან, ბიზნესს აწარმოებენ მყივნარწვერზე და დაყავთ კლიენტები ტურზე, ისე რომ გიდობის გამოცდილებაც არ აქვთ,” - აღნიშნა ერქომაიშვილმა.

მისი თქმით, სწორედ ამ ნარჩენებისა და ანტისანიტარიის გამო, ზოგიერთმა ტურისტულმა კომპანიამ ევროპაში მყინვარწვერი ტურებიდან და პროგრამიდან საერთოდ ამოიღო.

“პრობლემის გადასაჭრელად არ გვჭირდება ველოსიპედის გამოგონება, ბევრი საერთაშორისო პრაქტიკა არსებობს, იგივე ალპებში, ასევე ევერესტზე, სადაც ექსპედიციაზე მიმავალი გუნდი, მთაზე ასვლამდე ტოვებს დაახლოებით 4 ათასი დოლარის დეპოზიტს. მას ნარჩენების დეპოზიტი ჰქვია და ყველა ადამიანს ევალება უკანა გზაზე 8-დან 10 კილომდე ნაგვის ჩამოტანა, წინააღმდეგ შემთხვევაში, თანხა უკან არ უბრუნდებათ და ხმარდება ადგილის დასუფთავებას, იგივე მექანიზმი შეგვიძლია შევიმუშაოთ და გარკვეული ქმედითი ნაბიჯების გადადგმა დავიწყოთ ქვეყნის ერთ-ერთ ყველაზე მოთხოვნად და ნახვად ტურისტულ მიმართულებაზე,” - განაცხადა ნიკო ერქომაიშვილმა.

ინფორმაციისთვის, პანდემიამდე, ყოველწლიურად, მყინვარწვერზე არსებულ ერთადერთ დასარჩენ ადგილს, “ბეთლემის ქოხს” ათასობით ვიზიტორისგან საკმაოდ დიდი შემოსავალი ჰქონდა. ივნისიდან სექტემბრის ჩათვლით, თავშესაფრის 80 ადგილი მუდმივად დაკავებულია. ამას ემატება საკემპინგეც.

იყო დასუფთავების შემთხვევებიც, პირველად, 2004 წელს, გერმანელ და შვეიცარიელ მთამსვლელებთან ერთად მოხევეებმა 2 ტონა ნაგავი გადაზიდეს. მეორედ, 2014 წელს, ტურიზმის ეროვნული ადმინისტრაციის ხარჯით, ტერიტორია 9 ტონა ნაგვისგან გაასუფთავეს. მესამედ, გასული წლის ოქტომბერში, დაცული ტერიტორიების სააგენტომ 20 ტონა ნარჩენი ვერტმფრენებით გაიტანა.

"ბეთლემის ქოხის“ ადმინისტრაციაში ნაგვის სისტემატურად გატანას შეუძლებლად მიიჩნევენ. მიზეზად ვერტმფრენის ქირის დიდ თანხას ასახელებენ - წუთი 45 ევრო. ამიტომ, ნარჩენების მართვის საქმეში ადმინისტრაცია სახელმწიფოსგან ითხოვს დახმარებას.

წყარო: bm.ge

სრულად
გამოკითხვა
თქვენი აზრით, არის თუ არა დღეს ქვეყანაში პოლიტიკური კრიზისი?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.