,
ყველაზე დიდი შეცდომა იყო საინვესტიციო სააგენტოს გაუქმება, რომელიც სააგენტოს „აწარმოე საქართველოში“ ექსპორტის დეპარტამენტს გადააბარეს, - ამის შესახებ გადაცემა „ანალიტიკას“ ეთერში ფინანსისტმა ვასილ რევიშვილმა ისაუბრა.
მისი თქმით, ინვესტორებთან თუ პირდაპირ არ მიხვედი, ისინი თავისით არ მოვლენ.
„ინვესტორი მოჰყვება სწრაფ ეკონომიკურ ზრდას. ერთადერთი არჩევანი გვაქვს, პირდაპირ მათთან საუბარი“, - აღნიშნა რევიშვილმა.
როგორც ფინანსისტმა განაცხადა, ქვეყანაში უცხოური ინვესტიციები ალბათ ყველაზე დაბალ ნიშნულზეა, - „თუ შევხედავ რა სექტორებშია ინვესტიციები, ვნახავთ რომ, ძირითადად ეს არის ფინანსური დარგი. ამ დარგში კი, მოგება, რომელსაც ბანკები წერენ და რომლებიც დარეგისტრირებულები არიან ინგლისში, რეალური ინვესტიცია არ არის. ამიტომაც ინვესტიციების ის დაბალი ნიშნულიც, რაც გვაქვს, უნდა გავყოთ“, - განაცხადა რევიშვილმა.
ცნობისთვის, საქსტატის მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2020 წელს 616.9 მლნ. აშშ დოლარი შეადგინა, რაც 52.9%-ით ნაკლები იყო 2019 წლის დაზუსტებულ მონაცემებზე. ასეთი მცირე მოცულობის ინვესტიციები საქართველოს 2008-2009 წლებშიც კი არ ჰქონია, როდესაც ქვეყანაში ომის შემდგომი პერიოდი იყო. ოფიციალური მონაცემებით, 2020 წელს FDI 15-წლიან მიმუმამდე შემცირდა.
რაც შეეხება 2021 წელს, საქსტატის ცნობით, მიმდინარე წლის პირველ ნახევარში საქართველოში $366.4 მილიონის პირდაპირი უცხოური ინვესტიცია შემოვიდა, რაც წინა წელთან შედარებით 11%-ით ნაკლებია.
წყარო:https://bm.ge
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
