თბილისის ინფექციურ საავადმყოფოსთან ამიერიდან ეპიდსიტუაციაზე კომენტარები აღარ გაკეთდება. ინფორმაცია საავადმყოფოში დაადასტურეს.

მანამდე, თვეების განმავლობაში, მარინა ეზუგბაია და მარინა ენდელაძე – ინფექციურის წარმომადგენლები, დილაობით ჟურნალისტებთდან ეპიდსიტუაციას განიხილავდნენ.

დღეს გიორგი გახარიამ განაცხადა, რომ ამიერიდან საკოორდინაციო საბჭოს სხდომები ყოველდღიურად გაიმართება. საბჭოს წევრები სხდომების შემდეგ, როგორც წესი, ჟურნალისტების კითხვებზე საპასუხოდ ჩამოდიან.

20 ოქტომბრის მონაცემები კოვიდ ინფიცირებულების და გარდაცვლილების  შესახებ ჯერჯერობით არ გამოქვეყნებულა. ამ წუთებში მიმდინარეობს საკოორდინაციო საბჭოს სხდომა.