,
ინდურმა მთვარემავალმა „პრაგიანი“ დედამიწის თანამგზავრიდან პირველი მონაცემები გამოგზავნა. ამის შესახებ Press Times of India წერს.
გამოცემის ინფორმაციით, მთვარის ზედაპირი გაცილებით ცხელი აღმოჩნდა, ვიდრე მეცნიერებს აქამდე მიაჩნდათ.
„ყველას გვეგონა, რომ ტემპერატურა ზედაპირზე 20-30 გრადუსი ცელსიუსი იქნებოდა, მაგრამ ის 70 გრადუსს შეადგენს“, - აცხადებენ სპეციალისტები.
„პრაგიანი“, რომელიც მთვარეზე სადგურმა „ჩანდრაიანი 3“ ჩაიყვანა, მთვარის ნიადაგის ტემპერატურას 10 სანტიმეტრის სიღრმეზე ზომავს. მიღებულ მონაცემებზე დაყრდნობით, სპეციალისტებმა სხვადასხვა სიღრმეზე ტემპერატურის ცვალებადობის გრაფიკიც შეადგინეს.
„ეს მთვარის სამხრეთ პოლუსის პირველი მსგავსი პროფილია. დეტალური დაკვირვება გრძელდება“, - აცხადებენ მეცნიერები.
„ჩანდრაიანი 3“-ის მოდული „ვიქტრამი“ მთვარის ზედაპირზე 23 აგვისტოს დაჯდა. ეს პირველი აპარატია, რომელიც დედამიწის თანამგზავრის სამხრეთ პოლუსზე მუშაობს.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
