,
აფხაზეთის დე ფაქტო რესპუბლიკის საგარეო საქმეთა მინისტრი ინალ არძინბა თანამდებობიდან გაათავისუფლეს.
„აპსნიპრესის“ ცნობით, გათავისუფლებას ხელი აფხაზეთის დე ფაქტო რესპუბლიკის პრეზიდენტმა ასლან ბჟანიამა მოაწერა.
ტელეგრამ არხი „აფხაზური პორტალი“ წყაროებზე დაყრდნობით წერს, რომ ინალ არძინბა „სახელმწიფო უსაფრთხოების სამსახურში“ დაკითხვაზე გადაიყვანეს.
მათივე ცნობით, დაახლოებით ერთი კვირაა, ინალ არძინბას ეკრძალება აფხაზეთის დატოვება.
„აპსნიპრესის“ ცნობით, აფხაზეთის დე ფაქტო რესპუბლიკის საგარეო საქმეთა მინისტრის მოვალეობას ინალ არძინბას მოადგილე, ირაკლი ტუჟბა შეასრულებს.
კრემლის ყოფილი თანამშრომელი და უკრაინაში ძებნილი ინალ არძინბა აფხაზეთის დე ფაქტო საგარეო საქმეთა მინისტრის პოსტს 2021 წლის ბოლოდან იკავებდა.
ინალ არძინბა ასევე იყო აქტიური მხარდამჭერი აფხაზეთის დე ფაქტო რესპუბლიკის პარლამენტში ინიციირებული „არაკომერციული ორგანიზაციებისა და უცხოური აგენტის ფუნქციების შემსრულებელი ფიზიკური პირების შესახებ“ რუსული კანონის.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
