X-ი, რომელიც Twitter-ის სახელით იყო ცნობილი, მისი მფლობელის, ილონ მასკის ანტისემიტური პოსტის გამო, სავარაუდოდ, სარეკლამო შემოსავლიდან $75 მილიონს დაკარგავს. 

200-მდე კომპანიამ, როგორებიცაა Amazon, Coca-Cola და ა.შ. უკვე შეწყვიტა X-ის პლატფორმაზე რეკლამის განთავსება, ან ამას მომავალში აპირებს.

ილონ მასკმა კრიტიკა მას შემდეგ დაიმსახურა, რაც გასულ კვირას თავისსავე პლატფორმაზე დაეთანხმა პოსტს, რომელიც ამტკიცებდა, რომ გარკვეული ებრაული ჯგუფები თეთრკანიანი ადამიანების წინააღმდეგ სიძულვილის ნარატივის გაღვივებას ცდილობენ.

აღსანიშნავია, რომ საკმაოდ მსხვილმა კომპანიებმა, როგორებიცაა Disney, Apple და IBM, უკვე განაცხადეს, რომ X-ზე რეკლამებს აღარ განათავსებდნენ. გარდა ამისა, მას შემდეგ რაც 2022 წელს ილონ მასკმა Twitter-ი შეიძინა და X-ად აქცია, პლატფორმის შემოსავალი საგრძნობლად დაეცა.