,
28 წელია საერთაშორისო შუამავლობაში ვართ. ეუთოს მინსკის ჯგუფის „მოქმედება“ სინამდვილეში არის პასიური ფორმა 28 წლის განმავლობაში, 1992 წლიდან და ამ შუამავლობამ არაფერი მოგვიტანა, - ამის შესახებ აზერბაიჯანის პრეზიდენტმა ილჰამ ალიევმა CNN-თან ინტერვიუში განაცხადა.
კითხვაზე, როგორ აფასებს საფრანგეთის განცხადებას იმის შესახებ, რომ თურქეთის მიერ აზერბაიჯანის მხარდაჭერა კონფლიქტს აუარესებს, აზერბაიჯანის პრეზიდენტმა განაცხადა, რომ თურქეთი კონფლიქტის სტაბილიზაციას უწყობს ხელს.
„თურქეთი რეგიონში სტაბილურობის დამყარებას უწყობს ხელს, განსაკუთრებით კი მთიანი ყარაბაღის კონფლიქტის კუთხით. ყველა ქვეყანა ცდილობს ჰყავდეს პარტნიორი და მოკავშირე და აზერბაიჯანი და აზერბაიჯანელი ხალხი მოხარულია, რომ ჰყავს ისეთი პარტნიორი, მოკავშირე და ძმა, როგორიც თურქეთია. ჩვენ არ ვეწინააღმდეგებით იმას, რომ სომხეთი საფრანგეთს საკუთარ მოკავშირედ თვლის და საფრანგეთი არის ქვეყანა, რომელიც ახლა ყველაზე მეტად სომხეთს უჭერს მხარს,“- აღნიშნა ალიევმა.
მისივე მტკიცებით, აზერბაიჯანის მიზანი საკუთარი ხალხისა და ტერიტორიის გათავისუფლებაა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
