,
კრემლის ერთ-ერთ რუპორად წოდებული, იგორ კოროტჩენკო, წამყვანი რუსი სამხედრო ექსპერტი, ეროვნული თავდაცვის ჟურნალის მთავარი რედაქტორი, თავის ფეისბუკის გვერდზე, კიდევ ერთხელ პასუხობს რუსეთის სომხური დიასპორის წარმომადგენელებს, რომლებიც კვლავაც მოითხოვენ რუსეთის ჩარევას მთიანი ყარაბაღის კონფლიქტში.
”როდესაც მე დავსვი შეკითხვა თუ სომხური დიასპორის ლიდერების შვილებიდან რომელი წავიდა ყარაბაღის ფრონტზე საბრძოლველად, მე ვერ მივიღე არსებითი პასუხი, მხოლოდ შეურაცხყოფა და გინება...
ვითარება იგივეა: მათ არ სურთ წასვლა საბრძოლველად ყარაბაღში, მაგრამ ისინი რუსეთს მოუწოდებენ იბრძოლოს მათთვის ყარაბაღში."
თუ სომხეთი სუვერენული და დამოუკიდებელი ქვეყანაა, რომელმაც 90-იან წლებში დაიპყრო აზერბაიჯანის ტერიტორიის 20 პროცენტი, მაშინ იბრძოლეთ თვითონ და დაიცავით ეს ტერიტორიები (პაშინიანმა თქვა, რომ ყარაბაღი სომხეთია).
და თუ ვერ ახერხებთ ამ ტერიტორიებს ძალით შენარჩუნებას, მაშინ გაფორმეთ აზერბაიჯანთან მშვიდობიანიშეთანხმება, მთიანი ყარაბაღის შესახებ, გაეროს ცნობილი ოთხი რეზოლუციის შესაბამისად.
სხვათა შორის, ერევანში ამბობდნე, რომ ახალი ომის შემთხვევაში სომხური ჯარი ბაქოს მიაღწევდა!
კარგი, იარეთ წინ!
მაგრამ, ბრძოლის ველიდან წარმატებული სამხედრო ოპერაციების შესახებ ცნობების ნაცვლად, თქვენგან, მაპატიეთ და მხოლოდ "თურქული სპეცრაზმელების" და "სირიელი დაქირავებულების" ბრძოლაში მონაწილეობის შესახებ, გაუთავებელი წუწუნი გვესმის.
რუსეთი არ არის დამნაშავე თქვენს წარუმატებლობაში - ამაში თქვენ ხართ დამნაშავე, ძვირფასო სომხებო. ყარაბაღის ფრონტზე სანგრებში ჯდომის ნაცვლად Facebook- ზე ზიხართ და ეს თქვენი არჩევანია.
თქვენ ეს არჩევანი თავად გააკეთეთ. კორუფცია და სახელმწიფოს მითვისება სერჟ სარგსიანის დროს, ჰიტლერის მომხრე გარეგინ ნჟდეჰის ძეგლი ერევნის ცენტრში, აშშ-ს უდიდესი საელჩო პოსტსაბჭოთა სივრცეში, ”ფერადი რევოლუცია”, პაშინიანი და მისი სოროსი, უამრავი ამერიკული არასამთავრობო ორგანიზაცია სომხეთში. რუსული ტელეარხების ქსელიდან გათისვა, რუსული ბიზნესის დევნა, პრორუსი პოლიტიკოსებისა და სომხეთის საკონსტიტუციო სასამართლოს წმენდა - ეს თქვენ ხართ და თქვენ თვითონ გააკეთეთ ეს!
ამიტომ, ბრძოლა ყარაბაღში, უმაღლესი მთავარსარდლის პაშინიანის მეთაურობით - ეს არის თქვენი ომი, არა ჩვენი!
არაფერი პირადი - მხოლოდ რუსეთის ეროვნული ინტერესები!
იმედი მაქვს, რომ ნათლად განგიმარტეთ ყველაფერი? " - წერს კოროჩენკო.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
