,
„შეიწყალე ისინი, ვინც პატივს სცემს ჩემს ხსოვნას. “
წმინდა ეკატერინე ალექსანდრიელის ამ სიტყვებით იწყება იერუსალიმის საპატრირქოს განცხადება რომელიც 30 მაისს გავრცელდა და ეგვიპტის სასამართლოს მიერ სინას მთის წმინდა ეკატერინეს მონასტერს ეხება.
,, იერუსალიმის საპატრიარქო ღრმა შეშფოთებას გამოთქვამს ეგვიპტის სასამართლოს მიერ სინას მთაზე მდებარე ჩვენი წმინდა ეკატერინეს მონასტრის მიმდებარე მიწების ჩამორთმევის შესახებ მიღებული გადაწყვეტილების გამო.
მონასტერი, სადაც ღმერთი მოსეს ცეცხლმოკიდებულ მაყვლოვანში გამოეცხადა და სადაც ალექსანდრიის წმინდა ეკატერინეს რელიქვიები ინახება, უძველესი, უწყვეტად დასახლებული ქრისტიანული მონასტერია და ყველა ქრისტიანისთვის უდიდესი წმინდა ადგილი.
იერუსალიმის საპატრიარქო ამტკიცებს საკუთარ საეკლესიო იურისდიქციას მონასტერზე,
რადგან ის მტკიცედ ჩვენი მფარველობის ქვეშაა.
ჩვენი წმინდა ვალდებულებაა, ვუზრუნველვყოთ ქრისტიანული ღვთისმსახურების გაგრძელება ამ წმინდა მიწაზე, როგორც ეს 17 საუკუნის განმავლობაში ხდებოდა.
ჩვენ ვგმობთ ჩვენი საკულტო ადგილების ფიზიკური, ან იურისდიქციული სტატუსის ნებისმიერ ხელყოფას.
გარდა ამისა, იერუსალიმის საპატრიარქო მტკიცედ უჭერს მხარს უსაფრთხოდ და თავისუფლად ღვთისმსახურების უფლებას.
იგულისხმება ჩვენს ადგილებში მომლოცველთათვის უსაფრთხო გადაადგილების შესაძლებლობა.
ეს ღვთისმსახურების თავისუფლების საკითხია.
წმინდა ეკატერინეს მონასტერს ათასწლეულების განმავლობაში სტუმრობდნენ და პატივს სცემდნენ მომლოცველები. 623 წელს წინასწარმეტყველმა მუჰამედმა (მშვიდობა მასზე) მიანიჭა დაცვის წერილი, ანუ აშტინამე - და იგივე კიდევ ერთხელ დაადასტურა სულთან სელიმ I-მა 1517 წელს - მონასტერი ქრისტიანებსა და მუსლიმებს შორის მშვიდობის საძირკველია და იმედის
თავშესაფარი კონფლიქტით გაჟღენთილი მსოფლიოსთვის.
ჩვენ მოვუწოდებთ ეგვიპტის ხელისუფლებას, დაიცვას ეს ყველაზე პატივსაცემი ტრადიცია და უზრუნველყოს თაყვანისცემის თავისუფლება და ჩვენს მონასტერში შესვლა.
დაე, ჩვენმა მონასტერმა გააგრძელოს მშვიდობიანი ქრისტიანული მოწმობის, განათლებისა და კაცთმოყვარეობის ეს ტრადიცია.
იერუსალიმის საპატრიარქო აღიარებს ეგვიპტის ხელისუფლების მიერ გუშინ გავრცელებულ ოფიციალურ განცხადებებს, რომლებშიც დადასტურებულია ჩვენი მონასტრის სიწმინდე და მთლიანობა და მისი ნებისმიერი ხელყოფისგან თავის შეკავება.
იერუსალიმის საპატრიარქო ყურადღებით დააკვირდება სიტუაციას და საფუძვლიანად შეისწავლის სასამართლოს აღნიშნულ გადაწყვეტილებას და საჭიროების შემთხვევაში, საპატრიარქო დაგმობს და იმოქმედებს მონასტრის ნებისმიერ ხელყოფაზე, ან ამ წმინდა ადგილას წვდომის ხელყოფაზე." - ნათქვამია დღეს გავრცელებულ განცხადებაში.
