,
რუსეთის აგრესიული ქმედებები მეზობლების წინააღმდეგ 2014 წელს არ დაწყებულა, ის 2008 წელს საქართველოში შეჭრით დაიწყო, - განაცხადა ნატოს გენერალურმა მდივანმა, იენს სტოლტენბერგმა.
„უკეთესი, მეგობრული ურთიერთობა [რუსეთთან] ვერ შედგა რუსეთის აგრესიული ქცევის გამო. მათ სურთ აღადგინონ გავლენის სფეროები მეზობლების გასაკონტროლებლად და, რა თქმა უნდა, ეს არ არის ის სამყარო, რომელშიც ჩვენ გვინდა ვიცხოვროთ, რადგან ეს ნიშნავს, რომ ბევრ მეზობელს, ყოფილ საბჭოთა რესპუბლიკებსა და ვარშავის პაქტის წევრებს, არ ექნებათ დამოუკიდებლობა. ჩვენ მტკიცედ გვჯერა, რომ ყველა ქვეყანას უნდა ჰქონდეს დამოუკიდებლობა“, - აღნიშნა ნატოს გენერალურმა მდივანმა.
იენს სტოლტენბერგმა ხაზგასმით აღნიშნა, რომ ნატო საქართველოსთან მრავალი წლის განმავლობაში მუშაობს და ქვეყანას რეფორმების განხორციელებაში დაეხმარა.
„ჩვენ [ნატოს] მადრიდის სამიტზე გადავწყვიტეთ გავაძლიეროთ ის, რასაც ვაკეთებთ ზღვარზე მყოფი ქვეყნებისთვის. საქართველო [ამის] ერთ-ერთი ყველაზე ძლიერი მაგალითია. ამას რომ ვამბობ, ვფიქრობ, ასევე უნდა გვესმოდეს, რომ მნიშვნელოვანია, რომ საქართველო შეესაბამებოდეს იმ დემოკრატიულ ღირებულებებს, რომელის ყველას გვჯერა. და რა თქმა უნდა, ჩვენ ასევე ველით, რომ ნატოს არაწევრი მოკავშირეები დაიცავენ სანქციებს და არ გაუადვილებენ რუსეთს უკრაინის წინააღმდეგ აგრესიული ომის დაფინანსებასა და ორგანიზებას“, - განაცხადა მან.
