დიდუბის რაიონის გამგეობა ცაბაძის ქუჩის მეოთხე კორპუსის მიმდებარედ არსებულ მოსასვენებელ სივრცეს სრულ რეაბილიტაციას უტარებს. სამუშაოები დასკვნით ეტაპზეა.
პროექტის ფარგლებში, უკვე მოეწყო ბილიკები, განათების სისტემა, დამონტაჟდა საპარკო ინვენტარი და მაგიდის ჩოგბურთის მაგიდა. ამ ეტაპზე, მიმდინარეობს საბავშვო მოედნის მოწყობა, უახლოეს პერიოდში კი გამწვანების სამუშაოები ჩატარდება.
სამუშაოების განხორციელებისთვის ადგილობრივი ბიუჯეტიდან 250 000 ლარია გამოყოფილი.
მიმდინარე სამუშაოებს დიდუბის რაიონის გამგებლის მოვალეობის შემსრულებელი ზურაბ უგულავა გამგეობის წარმომადგენლებთან ერთად გაეცნო.
