უკრაინის ყოფილი პრეზიდენტის, ვიქტორ იანუკოვიჩის ყოფილი მრჩეველი, ანდრეი პორტნოვი, მადრიდთან ახლოს მოკლეს. მედიის ცნობით, პორტნოვს გულმკერდის არეში ოთხი, თავის არეში კი ერთი ცეცხლნასროლი ჭრილობა აქვს მიყენებული. ინციდენტი სკოლის შესასვლელთან მოხდა.
პოლიციის ინფორმაციით, სკოლის კართან პორტნოვს მოტოციკლით მამაკაცი ელოდებოდა, როდესაც მას მსხვერპლი მიუახლოვდა, ესროლა და გაიქცა.
ანდრეი პორტნოვი 2011 -2014 წლებში იანუკოვიჩის მრჩეველი იყო, 2010-2014 წლებში კი ეროვნული ბანკის საბჭოს წევრი. პორტნოვი პრორუსულ პოზიციას იკავებდა და ევრომაიდნის შემდეგ ის რუსეთში გაიქცა, მაგრამ 2019 წელს უკრაინაში დაბრუნდა. 2022 წლის ზაფხულში კი უკრაინა დატოვა.
