,
როსტომ ჩხეიძე იქცეოდა თაღლითურად, „ქოცების“ დასახმარებლად რეგისტრირდებოდა არამხოლოდ თავისი სახელით, ნიკა მაჭუტაძის, თაკო ჩარკვიანის, გუბაზ სანიკიძის სახელით, რომლებიც დღეს საერთოდ არ ყოფილან, - ამის შესახებ „გირჩის“ დეპუტატმა იაგო ხვიჩიამ განაცხადა.
მისი თქმით, ეს მოხდა იმის მიუხედავად, რომ ყველა ოპოზიციონერი გაფრთხილებული იყო, დღევანდელ პლენარულ სხდომაზე რეგისტრაცია არ გაევლოთ, რადგან ეს იყო „ქოცების“ სასარგებლო რეგისტრაცია. ხვიჩიას განცხადებით, ყველამ უნდა იცოდეს, ვინ არის ოპოზიციონერი და ვინ თამაშობს „ქართული ოცნების“ თამაშს.
„მე მინდა, ერთი „ჩათლახობის“ შესახებ მოგიყვეთ, რომელიც დღეს ოპოზიციის შიგნით მოხდა. მიუხედავად იმისა, რომ წარმატებით დასრულდა ჩვენი ღონისძიება, რომ დღეს „ქოცებს“ კვორუმი არ ჰქონოდათ, ოპოზიციაში აღმოჩნდა ხალხი, მიუხედავად იმისა, რომ ყველა გაფრთხილებული იყო რეგისტრაცია არ გაევლოთ, რადგან ეს იყო „ქოცების“ სასარგებლო რეგისტრაცია. როგორც ჩვენ გვაქვს თითქმის დადასტურებული ეჭვი და ამას გადავამოწმებთ, ბატონი როსტომ ჩხეიძე, ღვაწლმოსილი ადამიანი, სხვა პროფესიაში ცნობილი წარმატებით, დღეს იქცეოდა თაღლითურად და „ქოცების“ დასახმარებლად რეგისტრირდებოდა სხვა დეპუტატების სახელითაც. მან მხარი დაუჭირა სხდომის გახსნას და რეგისტრაციაში მიიღო მონაწილეობა არამხოლოდ თავისი სახელით, ნიკა მაჭუტაძის, თაკო ჩარკვიანის, გუბაზ სანიკიძის სახელით, რომლებიც დღეს საერთოდ არ ყოფილან, კიდევ სხვა ადამიანების სახელითაც. ჩვენ ამ ყველაფერს ამოვიღებთ, გავშიფრავთ, რადგან ვიცით, ვინ იყო და ვინ არა დარბაზში, გადაღებულია ვიდეო. მანამდე საბომ, რომელიც ზემოდან ათვალიერებდა დარბაზს, გამოიჭირა ბატონი როსტომი, რომ რამდენიმე სხვადასხვა ადგილას თითს აჭერდა ღილაკს და უყვირა, რას სჩადიხართ ბატონო როსტომო. ამის შემდეგ დაანება თავი ამას, თორემ ამ 4 ადამიანის გარდა მეტს დაარეგისტრირებდა და ღიად დაეხმარებოდა „ქოცებს“, რომ ჯარის გამანადგურებელი კანონის მიღება დღეს გაგრძელებულიყო. მინდა მედიამ იცოდეს, ვინ არის ნამდვილი ოპოზიციონერი, ვინ „ქოცებთან“ შეკრული და ვინ თამაშობს მათ თამაშს, ეს მინდა ყველა ადამიანისთვის იყოს გასაგები. როსტომ ჩხეიძე, თუ მას ეს დაუდასტურდა, არის ჩვეულებრივი თაღლითი,“ - განაცხადა ხვიჩიამ.
ინფორმაციისთვის, კვორუმის არქონის გამო, პარლამენტის რიგგარეშე სხდომა, სადაც „თავდაცვის კოდექსი“ უნდა განეხილათ, ჩაიშალა. რეგისტრაცია მხოლოდ 65- მა დეპუტატმა გაიარა, შესაბამისად, კვორუმი არ შედგა და სხდომა ვერ
ბრიტანულ გაზეთ „ფაინენშელ თაიმსში“ (Financial Times) დაბეჭდილია სტატია სათაურით „მსოფლიოში არასტაბილურობა სუფევს, ამიტომ ევროპა უნდა შეიარაღდეს“, რომლის ავტორები არიან ფრიდრიხ მერცი (გერმანიის კანცლერი) და ემანუელ მაკრონი (საფრანგეთის პრეზიდენტი).
გთავაზობთ სტატიის შინაარსს:
„ჰააგაში ნატოს სამიტის ფონზე მსოფლიოში ქაოსური მოვლენები სუფევს: ბობოქრობენ ომები, ჩვეული ქცევის წესები და ნორმები ინგრევა, ხოლო დიდი ხნით განმტკიცებული რწმენები ეჭვის ქვეშ დგება. ამ ეპოქალური გამოცდის ჟამს გერმანია და საფრანგეთი - თავიანთ ევროპელ და ატლანტის ოკეანის გაღმა ნაპირზე მყოფ მეგობრებთან და მოკავშირეებთან ერთად ერთიანი და მტკიცე ფრონტით გამოდიან, რათა დაიცვან ჩვენი საერთო ფასეულობები, ჩვენი მოქალაქეების თავისუფლება და უსაფრთხოება“, - ნათქვამია სტატიის დასაწყისში.
ავტორთა აზრით, „ევროპაში არასტაბილურობის ძირითად წყაროს რუსეთი და მისი იმპერიალისტური ომები წარმოადგენს: „2008 წელს რუსეთი თავს დაესხა საქართველოს, შემდეგ, 2014 წელს - მოახდინა ყირიმისა და დონბასის ოკუპაცია, 2022 წელს კი კრემლის ჯარები უკრაინის დანარჩენ ტერიტორიაზე შეიჭრნენ. ვლადიმერ პუტინის მიზანია ძირი გამოუთხაროს ევროპულ უსაფრთხოებას, მეზობლებს თავს მოახვიოს უკანონო მეურვეობა, ისინი შიგნიდან გატეხოს და თავის ორბიტაზე გადაიყვანოს, საერთაშორისო მართლწესრიგს საფუძველი შეურყიოს. ეს ყველაფერი რუსეთის სტრატეგიულ ინტერესებს წარმოადგენს. ჩვენ არ შეგვიძლია ამ ყველაფერს შევურიგდეთ, ჩვენს კონტინენტზე მშვიდობა უნდა დავიცვათ“.
„თუ კრემლის ამჟამინდელი პოლიტიკის ტრაექტორია არ შეიცვლება, რუსეთი საფრანგეთისა და გერმანიის ურყევ და მტკიცე პოზიციის წინაშე აღმოჩნდება. ამჟამად სასწორზე დევს ევროპული სტაბილურობის ბედი ათწლეულების განმავლობაში.
ნატოს სამიტზე საფრანგეთი და გერმანია დაადასტურებენ თავიანთ მხარდაჭერას იმ ძალისხმევისადმი, რასაც აშშ მიმართავს კონფლიქტების შეწყვეტისათვის და მტკიცე მშვიდობის მისაღწევად. საფრანგეთი და გერმანია მხარს დაუჭერენ უკრაინის სუვერენიტეტს, ცეცხლის შეწყვეტის წინადადებას და გააძლიერებენ რუსეთზე ზეწოლას, მათ შორის სანქციების მეშვეობით“, - აღნიშნავენ სტატიის ავტორები, - „ჩვენ ვუზრუნველყოფთ, რომ უკრაინა კონფლიქტიდან გამოსვლის შემდეგ აყვავებული, ძლიერი და უსაფრთხო ქვეყანა გახდეს“.
როგორც სტატიაშია ნათქვამი, ამ მხრივ უკვე ბევრი რამ არის გაკეთებული - ევროკავშირი უკრაინას 130 მილიარდი ევროთი დაეხმარა. გარდა ამისა, ევროკავშირმა დაგმო კრემლის აგრესიული პოლიტიკა, რისთვისაც რუსეთს მკაცრი სანქციები აქვს დაწესებული. „მაგრამ ეს კიდევ ცოტაა. ამიტომ ჩვენ, დიდ ბრიტანეთთან ერთად, ხელს შევუწყობთ უკრაინის არმიის გაძლიერებას, განვაახლებთ უკრაინის თავდაცვით მრეწველობას იმ მიზნით, რომ სამომავლოდ მას რუსეთის სავარაუდო აგრესიის წარმატებით მოგერიება შეძლოს.
„რა თქმა უნდა, ჩვენი გეგმები მხოლოდ უკრაინას არ ეხება. როგორც ჩანს, ახლო მომავალში კონფლიქტურ გარემოში ცხოვრება მოგვიწევს - იმ მსოფლიოში, სადაც ჩვენი მოკავშირეების წინაშე ახალი დილემები და პრიორიტეტები დადგება. რუსეთის გარდა, ჩვენ, ალბათ, კიდევ ბევრი გამოწვევის მოწმენი გავხდებით. ამისათვის ახლავე უნდა ვიზრუნოთ“, - აღნიშნავენ ავტორები და იქვე მიუთითებენ: აუცილებელია ნატოს გაძლიერება - თავდაცვის სფეროს ალიანსის წევრების საერთო ბიუჯეტის 3,5% უნდა მოხმარდეს, 2%-ის ნაცვლად. დამატებითი ხარჯები აუცილებელია. მათი მეშვეობით ჩვენ იმ ბზარს ამოვავსებთ, რომელიც ნატოს სამხედრო პოტენციალს გაუჩნდა რევანშისტული რუსეთის პირისპირ“, - ხაზს უსვამენ ავტორები.
„ალიანსის უსაფრთხოების ქვაკუთხედად ბირთვული შეკავება რჩება: საფრანგეთს აქვს თავისი დამოუკიდებელი სტრატეგიული ბირთვული ძალები, რომლებსაც მნიშვნელოვანი წვლილი შეაქვთ ნატოს საერთო უსაფრთხოების დაცვაში. გერმანიას უფლება აქვს მონაწილეობა მიიღოს ნატოს ბირთვული იარაღის ერთობლივ გამოყენებაში. გარდა ამისა, ერთობლივად ვიმუშავებთ შესყიდვების სისტემის რეფორმირებაში, რომელიც გამოიხატება უნიფიკაციაში, გამარტივებასა და გაზრდაში“, - ნათქვამია სტატიაში.
პუბლიკაციის დასასრულს, ავტორები აღნიშნავენ, რომ ნატო გააგრძელებს მჭიდრო თანამშრომლობას ევროკავშირთან, რათა უკეთ იქნას გამოყენებული ევროპის ტექნოლოგიური უპირატესობა [რუსეთის წინააღმდეგ]. „ჩვენ ვადასტურებთ სამოკავშირეო ერთიანობას, სოლიდარობას და ერთგულებას ჩვენი კონტინენტის თავისუფლების, მშვიდობისა და უსაფრთხოებისათვის“.
