USD
EUR
RUB
თბილისი
ია დავითაშვილი-ავსტრიაში მცხოვრები მევიოლინე
თარიღი : 02.08.2022 22:30  329
ზალცბურგის უნივერსიტეტ - მოცარტეუმში მაგისტრატურაზე სასწავლებლად 2015 წელს ჩამოვედი. ავსტრიაში ჩემი წამოსვლის მიზანი პროფესიული განვითარება იყო. ექვსი წლის განმავლობაში დიდი გამოცდილება შევიძინე, ისეთ ორკესტრებსა თუ ანსამბლებში როგორიცაა: Deutsche Kammerorchester Neuss; Deutsche Radio Kammerorchester; Salzburg Chamber Soloists; Concerto de Basus; Salzburg Philharmonie და ასევე მონაწილეობა მივიღე არაერთ მნიშვნელოვან ტურნეში (ჩინეთი, საფრანგეთი, შვეიცარია, ესპანეთი).
 
ჩემს უნივერსიტეტში მქონდა საშუალება გავცნობოდი მნიშვნელოვან მუსიკალურ ლიტერატურას და ხელნაწერებიდან დამეკრა ძველი ავთენტური სტილით.
 
წარმატების მიღწევა ყველა სფეროში რთულია, მაგრამ ინსტრუმენტალისტებს კიდევ უფრო მეტი შრომა გვჭირდება, რომ დასახულ მიზანს მივაღწიოთ. საჭიროა ყოველდღიური შეხება ინსტრუმენტთან, მუშაობა საკუთარ თავთან. ფუნდამენტურად უნდა შეისწავლო მუსიკა,რასაც საკონცერტოდ ამზადებ. ჩვენს პროფესიაში მთავარია ინსტრუმენტს საფუძვლიანად ფლობდე, გქონდეს არამარტო კარგი ინსტრუმენტი არამედ კარგი მენეჯმენტი. მუსიკოსს პირველ რიგში სჭირდება დისციპლინა, სწორი მუშაობა და ცხოვრების ბოლომდე კვლევა-ძიება.
 
ამჟამად ვმუშაობ ზალცბურგის ფილარმონიულში და ვგეგმავ ახალი დისკის გამოშვებას,რომელიც უკვე ჩაწერილია. ჩემი სამომავლო პროექტები საქართველოსაც უკავშირდება და იმედი მაქვს მალე განვახორციელებ.
ახალგაზრდებს, ვისაც უცხოეთში სწავლის გაგრძელება სურთ, მინდა ვურჩიო საფუძვლიანად შეისწავლონ იმ ქვეყნის ენა, სადაც უნდათ რომ ისწავლონ. წინასწარ გადალახონ ბარიერები, რაც უკავშირდება უნივერსიტეტში რეგისტრაციას თუ ბინის მოძიებას და ა.შ. იყვნენ დისციპლინირებულები, კონტაქტურები და მაქსიმალურად გახსნილები რათა არ შეუშინდნენ სირთულეებს, რისი გადალახვაც მათ თავიდან მოუწევთ...
სხვა
3 თვეში საქართველოში $25.7 ათასის ორგანოების იმპორტი განხორციელდა

მიმდინარე წლის 3 თვეში საქართველომ 25.7 ათასი დოლარის ღირებულების ორგანოთერაპიისთვის განკუთვნილი ჯირკვლები და სხვა ორგანოების იმპორტი განახორციელა. 2022 წლის დასაწყისში ქვეყანაში შემოტანილი ორგანოების მოცულობა გასული 4 წლის ანალოგიური პერიოდების იმპორტს აღემატება.

ოფიციალური სტატისტიკით ორგანოთერაპიისთვის შემოტანილი ამ დასახელების საქონლის მოცულობა იანვარ-მარტში 0.13 ტონა იყო.

რაც შეეხება ორგანოების იმპორტის წლიურ მონაცემებსა და იმ ქვეყნებს, სადაც საქართველო საქონელს ყიდულობს, საქსტატის მიხედვით, ბოლო ათი წლის განმავლობაში იმპორტის ყველაზე მაღალი მაჩვენებელი 2012 წელს გვქონდა (183 ათასი დოლარი, 0.74 ტონა). აღსანიშნია, რომ პანდემიის დაწყების პირველ წელს საქართველოდან 0.23 ტონა ორგანოების შესაძენად 155 ათასი დოლარი გავიდა. გასულ წელს კი 0.44 ტონა იმპორტირებული საქონლის ღირებულებამ 89.9 ათასი დოლარი შეადგინა.

ოფიციალური სტატისტიკიდან ჩანს, რომ ორგანოთერაპიისთვის განკუთვნილი ჯირკვლებისა და სხვა ორგანოების ყველაზე დიდი მომწოდებელი საქართველოსთვის აშშ-ია - 77.9 ათასი დოლარი, მას მოსდევს გაერთიანებული სამეფო - 3.8 ათასი დოლარი, ჰონ-კონგი - 3.3 ათასი დოლარი, გერმანია - 2.1 ათასი დოლარი, ავსტრალია - 0.9 ათასი დოლარით. საიმპორტო ქვეყნებს შორისაა: კანადა, იტალია, ახალი ზელანდია, ისრაელი, ბელგია და შვეიცარია.

წყარო:https://bm.ge/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.