,
ვერძი (21 მარტი - 20 აპრილი)
შესაძლოა, შეცდომა დაუშვათ და საკუთარი ენერგია არასწორი მიმართულებით დახარჯოთ. ცდილობთ სასურველი რეალობად აღიქვათ, ეს კი აუცილებლად უსიამოვნებებსა და დანაკარგებს გამოიწვევს. საყვარელ ადამიანთან ურთიერთობაში მოსალოდნელია სირთულეები. ეცადეთ გაიგოთ მიზეზი, რომელმაც დაძაბულობა გამოიწვია.
.კურო (21 აპრილი - 21 მაისი)
თქვენ გარშემო განვითარებულ მოვლენებში გარკვევა გიჭირთ, ამიტომ დღის დაგეგმვას ვერ ახერხებთ. საკმაოდ რთული დღეა. შეიძლება ბევრი რამ ისე არ მოხდეს, როგორც ელოდით. ნუ აჩქარდებით, ეცადეთ მშვიდად და გააზრებულად იმოქმედოთ. გირჩევთ ძველ ბიზნესპარტნიორებს შეეხმიანოთ და ახალი პირობებით თანამშრომლობა შესთავაზოთ.
ტყუპები (22 მაისი - 21 ივნისი)
ვარსკვლავები გირჩევენ, გარეშე პირთა რჩევებს ნაკლებად უსმინოთ, ინტუიციურად იმოქმედოთ და ყველა საქმეს პრაქტიკულად მიუდგეთ. დროა, ღრუბლებიდან მიწაზე დაეშვათ და მიმდინარე მოვლენები რეალურად შეაფასოთ. შეწყვიტეთ გარშემო მყოფებით მანიპულირება, ეს მხოლოდ თქვენ დაგაზარალებთ. ეცადეთ, საყვარელი ადამიანების მიმართ მეტი ყურადღება გამოიჩინოთ - დღეს მათ თქვენი ზრუნვა და მხარდაჭერა სჭირდებათ.
კირჩხიბი (22 ივნისი - 22 ივლისი)
ამ დღეს სიმტკიცე და მონდომება უნდა გამოიჩინოთ და თქვენთვის მიუღებელ პირობებს არ დათანხმდეთ. დაიცავით საკუთარი აზრი ნებისმიერ დისკუსიაში და საკუთარი სიმართლის გჯეროდეთ. პირად ურთიერთობებში არსებობს ჩხუბის ან უსიამოვნო სიტუაციის რისკი. შეიძლება გეგმების შეცვლა მოგიწიოთ, რადგან მათი შედგენის დროს ბევრი რამ არ გაითვალისწინეთ. ნუ ინერვიულებთ - მალე სიტუაცია თქვენთვის ხელსაყრელი მიმართულებით განვითარდება.
ლომი (23 ივლისი - 23 აგვისტო)
ამ დღეს ფინანსური საკითხების მოგვარებას მეტი ყურადღება უნდა მიაქციოთ, ოჯახურ ბიუჯეტს გადახედოთ და ხარჯები შეამციროთ. ერთი შეხედვით უმნიშვნელო საკითხებს ნუ უგულებელყოფთ - საქმის საბოლოო წარმატება მათზეა დამოკიდებული. ურთიერთობებში მეტი სიფრთხილე უნდა გამოიჩინოთ, განსაკუთრებით უცნობ ადამიანებთან.
ქალწული (24 აგვისტო - 23 სექტემბერი)
ამ დღეს ადამიანებთან ურთიერთობას და აზრის მკაფიოდ გამოხატვას ვერ ახერხებთ, ამიტომ, ვარსკვლავები გირჩევენ, ყველა მნიშვნელოვანი მოლაპარაკება სხვა დღისთვის გადადოთ. ეცადეთ, მანიპულატორების მსხვერპლი არ გახდეთ და გადაწყვეტილებები სხვისი ზეწოლის ქვეშ არ მიიღოთ. მოერიდეთ ხალხმრავალ შეხვედრებს - ეს შეიძლება საკმაოდ დამღლელი იყოს.
სასწორი (24 სექტემბერი - 23 ოქტომბერი)
რასაც არ უნდა აკეთებდეთ, მთავარია საკუთარ სხეულს უსმინოთ. ხშირად შეისვენეთ და ზედმეტად რთულ ან შრომატევად საქმეებს ერიდეთ. ამ დღეს ნებისმიერ წვრილმანს ყურადღება უნდა მიაქციოთ - მცირე შეცდომამ შეიძლება სამუშაოს საბოლოო შედეგზე უარყოფითად იმოქმედოს. პრობლემების თავიდან აცილება შეიძლება, თუ საკუთარ ქმედებებს ობიექტურად შეაფასებთ.
მორიელი (24 ოქტომბერი - 22 ნოემბერი)
დღეისთვის ახალი და რთული საქმეები არ უნდა დაგეგმოთ. გარემოებები თქვენთვის არახელსაყრელია, ამიტომ ეცადეთ, ალტერნატიული გზები იპოვოთ. კარგი დროა საქმიანი მოლაპარაკებებისთვის. ამ პროცესში შეიძლება ახალი მოკავშირეები და დამხმარეები იპოვოთ. ახალი ნაცნობობა შეიძლება ხანგრძლივ ურთიერთობაში გადაიზარდოს და მხოლოდ თქვენზეა დამოკიდებული, რა მიმართულებით განვითარდება მოვლენები.
მშვილდოსანი (23 ნოემბერი - 21 დეკემბერი)
ადვილი წარმატების იმედი ნუ გექნებათ. თუ რაიმეს მიღწევა გსურთ, ხანგრძლივი შრომისთვის მზად უნდა იყოთ. ეცადეთ, ოჯახში მყუდრო და მშვიდი ატმოსფერო შეინარჩუნოთ. საჭირო არაა, რომ საკუთარი აზრი ნებისმიერ ფასად დაამტკიცოთ. ნუ იქნებით ზედმეტად ეჭვიანი და ეცადეთ, გარშემო მყოფებს ენდოთ. მშვიდობიანი განწყობა ნდობისა და ურთიერთობების გაძლიერებას ხელს შეუწყობს.
თხის რქა (22 დეკემბერი - 20 იანვარი)
მოვლენების გაკონტროლება გიჭირთ და ამის გამო არასასურველ შედეგებთან შეგუება გიწევთ. ეცადეთ, სიმშვიდე შეინარჩუნოთ, საპასუხისმგებლო საქმეებს და სტრესულ სიტუაციებს მოერიდოთ. ამ დღეს უპირატესობა კარგად ნაცნობ და მარტივ სამუშაოს უნდა მიანიჭოთ. ხელმძღვანელობა თქვენს აზრს მოისმენს და გაითვალისწინებს. ეცადეთ, დამოუკიდებლად, სხვების დახმარების გარეშე იმუშაოთ, რადგან ეს სასურველი შედეგის მიღწევას გაგიადვილებთ.
მერწყული (21 იანვარი - 18 თებერვალი)
გირჩევთ, ზედმეტი ხარჯები თავიდან აიცილოთ და ფინანსური საკითხების განხილვაზე უარი თქვათ - დღეს ამისთვის არახელსაყრელი დღეა. მეგობრებთან შეხვედრები სასარგებლო იქნება - ვიღაცამ შეიძლება საინტერესო იდეა მოგაწოდოთ, რომლის განხორციელება პროფესიულ სარგებელს მოგიტანთ.
თევზები (19 თებერვალი - 20 მარტი)
თქვენს განწყობაზე ბევრი რამ არის დამოკიდებული, ამიტომ ეცადეთ, დილიდან პოზიტივით დაიმუხტოთ. თქვენი ქმედებები შედეგზე გათვალეთ, სხვა შემთხვევაში შეცდომების თავიდან აცილება გაგიჭირდებათ. საღამოს შესაძლებლობა გექნებათ, დიდი ხნის უნახავი ადამიანები მოინახულოთ და შეურიგდეთ მათ, ვისთანაც უთანხმოება გქონდათ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
