,
ბრიტანული „გარდიანი“ (The Guardian) ბეჭდავს სტატია, რომლის სათაურია „დონალდ ტრამპის პრეზიდენტად არჩევა უკრაინას ბედის ანაბარად ტოვებს“ (ავტორი - რაჯან მენონი). მასში ნათქვამია, რომ უკრაინელებისათვის რუსეთთან ომის გაგრძელება აშშ-ის დახმარების გარეშე სახიფათო იქნება.
გთავაზობთ პუბლიკაციის მოკლე შინაარსს:
არავინ მსოფლიო ლიდერებიდან ისეთი ყურადღებით არ ადევნებს თვალს აშშ-ის საპრეზიდენტო არჩევნებს, როგორც ვლადიმერ ზელენსკი. რა თქმა უნდა, უკრაინის პრეზიდენტის მოქმედებას თავისი მიზეზები აქვს. დემოკრატი კამალა ჰარისი, მისი გამარჯვების შემთხვევაში, უკრაინის მიმართ, დიდი ალბათობით, ჯო ბაიდენის კურსს გააგრძელებს, მაგრამ თუ თეთრ სახლში რესპუბლიკელი დონლდ ტრამპი შევა, მაშინ მას შეუძლია უკრაინას სამხედრო დახმარება შეუწყვიტოს და კიევი სამშვიდობო მოლაპარაკების დაწყებაზე აიძულოს, სადაც ტონის მიმცემი აშშ იქნება.
ვოლოდიმირ ზელენსკისთან ამასწინანდელი სატელეფონო საუბრის დროს დონალდ ტრამპი „სამართლიანი მშვიდობის“ მიღწევის მხარდამჭერად გამოვიდა, მაგრამ უკრაინა შიშობს, რომ თუ აშშ-ის პრეზიდენტად ტრამპი იქნება არჩეული, იგი კიევს ნატოს კარს დაუხურავს და რუსეთს ნებას მისცემს ოკუპირებული ტერიტორიები შეინარჩუნოს.
დონალდ ტრამპის აზრით, უკრაინისათვის იარაღის მიწოდება აშშ-ის ინტერესებში არ შედის: მილიარდობით დოლარი იხარჯება წინასწარ წაგებული ომისათვის და ეს ხდება იმ დროს, როცა თვითონ ამერიკის შეერთებულ შტატებს უამრავი მწვავე პრობლემა აქვს მოსაგვარებელი როგორც საკუთარი მოაქალაქეების კეთილდღეობის დონის ასამაღლებლად, ასევე რეალურ საგარეო საფრთხეებთან გასამკლავებლად. აშშ-ის მთავარ მტრად დონალდ ტრამპი თვლის არა რუსეთს, არამედ ჩინეთს, რომელსაც, მისი აზრით, ყველაზე მეტი ყურადღება უნდა დაეთმოს.
რასაკვირველია, უკრაინა იარაღს იმავ წუთში არ დაუშვებს, როგორც კი დონალდ ტრამპი აშშ-ის პრეზიდენტი გახდება. კიევს იარაღის რეზერვები კიდევ რამდენიმე თვის ბრძოლისათვის ეყოფა. გარდა ამისა, ევროპა მის დახმარებას გააგრძელებს. მაგრამ არის ერთი მნიშვნელოვანი გარემოება: აპრილის თვის მდგომარეობით, ამერიკამ უკრაინას 50, 4 მილიარდი დოლარის სამხედრო დახმარება გაუწია, ხოლო ნატოს სხვა ათმა წევრმა დონორმა, ერთად აღებულმა - მხოლოდ 42 მილიარდი დოლარი.
აქედან გამომდინარე, თუ ვაშინგტონი კიევს დახმარებას შეუწყვეტს, ნატოელი მოკავშირეები ამერიკის მხარდაჭერას ვერ ჩაანაცვლებენ, საბოლოო ჯამში კი უკრაინის არმია იარაღის გარეშე დარჩება.
წყარო: https://www.theguardian.com/commentisfree/article/2024/jul/25/ukraine-war-russia-us-trump-election
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
