,
.jpg)
ბრიტანულ გაზეთ „ინდეფენდენთში“ (The Independent) პოლიტიკური მიმომხილველის არპან რაის მიერ გამოქვეყნებული სტატიის თანახმად (სათაური - „უკრაინას წარმოუდგენელი დანაკარგები ექნება, თუ ვაშინგტონი კიევისადმი დახმარებას შეწყვეტს“), უკრაინელი სამხედრო მოსამსახურეები შიშობენ, რომ რიგი ქალაქები, რომლებსაც ამჟამად ისინი აკონტროლებენ, მაგალითად, ავდეევკა, შეიძლება მალე მტერს ჩაუვარდეს ხელში.
გთავაზობთ პუბლიკაციის შინაარსს:
ფრონტზე ბოლო კვირეებში შექმნილი სიტუაციის მიხედვით, არის იმის რეალური საფრთხე, რომ რუსეთის არმიას შეუძლია უკრაინის თავდაცვის ზღუდეები გაარღვიოს და რამდენიმე დღეში უკრაინის არმია კრახის წინაშე დააყენოს - თუ ამერიკა უკრაინას დამატებით დახმარებას არ გაუწევს.
ვოლოდიმირ ზელენსკი აგრძელებს ოპტიმისტური ტონით განცხადებების გაკეთებას და მოკავშირეებს მოუწოდებს, უკრაინა არ დაივიწყონ, მაგრამ რეალობა კიევისათვის მწარეა: ვერც აშშ-ის კონგრესმა ვერ შეძლო უკრაინისადმი მნიშვნელოვანი დახმარების გაწევა, ვერც ევროკავშირმა. უკრაინელ მეთაურებს ისეთი სავალალო წინათგრძნობა უჩნდებათ, რომ ქვეყანას ახლო მომავალში მტრის წინააღმდეგ ბრძოლა მარტოდმარტო მოუწევს.
უკრაინელი სამხედროები და ხელისუფლების წარმომადგენლები აღიარებენ, რომ განსაკუთრებით მძიმე მდგომარეობაშია ქალაქი ავდეევკა [რომელიც რუსების მიერ თითქმის ალყაშია მოქცეული]. თუ დასავლური დახმარება შეწყდება, ეს უამრავ დანაკარგს გამოიწვევს ქალაქში მყოფი სამხედრო გარნიზონი საბრძოლო მასალების მწვავე დეფიციტს განიცდის.
დასამალი არაა, რომ რუსეთის არმია, უკრაინასთან შედარებით, უკეთ არის მომზადებული მეორე საომარი ზამთრისათვის. კიევმა, მართალია, დიდი რესურსები დახარჯა კონტრშეტევის მომზადებისა და მის განსახორციელებლად, მაგრამ საბოლოო ჯამში, დიდი იმედებით დაწყებული ოპერაცია წარუმატებელი აღმოჩნდა. უკრაინას რესურსები ეწურება...
უკრაინის არმიის 47-ე მექანიზებული კორპუსის ერთ-ერთი ოფიცრის თქმით, არავისთვის საიდუმლოს არ წარმოადგენს ის ფაქტი, რომ დღეისათვის უკრაინელი სამხედროებისათვის იარაღის მიმწოდებელი მხოლოდ დასავლეთია - ეს განსაკუთრებით ეხება მძიმე ტექნიკას: „
„რა თქმა უნდა, ჩვენთვის დასავლურ დახმარებას უაღრესად დიდ მნიშვნელობა აქვს. ჩვენი ბრიგადა ძირითადად მხოლოდ ამერიკული „ბრედლებითა“ და თვითმავალი ქვემეხებით - „პალადინებით“ იბრძვის და თუ ჭურვებს არ მოგვაწოდებენ, ჩვენი მეომრების სულისკვეთება უშედეგო იქნება“, - ამბობს ოფიცერი.
ერთ-ერთმ უკრაინელმა მაღალჩინოსანმა, ანონიმურობის დაცვით, „ინდეფენდენთს“ აცნობა, რომ რუსეთმა უკრაინის სამხედრო მრეწველობა თითქმის გაანადგურა, განსაკუტრებით კიევის ქარხნები, რომლებსაც არ აქვთ რესურსები და შესაძლებლობები საბრძოლო მასალების წარმოებისათვის ქვეყნის შიგნით.
„ეს ომი მართლაც უკრაინის რესურსების გამოფიტვისაკენ მიმართულ ომს წარმოადგენს. ჩვენ, გარკვეული დროით, სანამ ახალ დახმარებას მივიღებთ დიდი ბრიტანეთიდან, ევროკავშირიდან და სამხრეთ კორეადან, იძულებულნი ვიქნებით როგორღაც ფრონტის ხაზი შევინარჩუნოთ, მაგრამ ეს ძალზე რთული იქნება“, - ამბობს უკრაინელი ოფიცერი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
