„ამერიკის უბოროტეს მტერთა სიაში რუსეთს პირველი ადგილი აღარ აქვს დაკავებული“, - წერს სოციოლოგიურ გამოკითხვის შედეგებზე დაყრდნობით ამერიკული გაზეთი „ჰილი“ (The Hill), რომელიც აშშ-ის კონგრესთან დაახლოებულ გამოცემად ითვლება. სტატიაში სათაურით „სულ უფრო ცოტა ამერიკელი თვლის რუსეთს და ჩინეთს აშშ-ის მთავარ საფრთხეებად“ (ავტორი ლაურენ სფორცა). „გასული წლიდან მათი წილი, ვინც ამერიკის პრობლემების გამო რუსეთს ადანაშაულებს, 50%-დან 41%-მდე შემცირდა“, - აღნიშნულია პუბლიკაციაში.

საზოგადოებრივი აზრის კვლევის „გელაპის ინსტიტუტის“ (დააარსა სოციოლოგიის პროფესორმა ჯორჯ გელაპმა 1935 წელს) მიერ ჩატარებული სოციოლოგიური გამოკითხვის თანახმად, ამერიკელებს თანდათანობით უქრებათ შიში რუსეთისა და ჩინეთის მიმართ, რომლებსაც აშშ-ის მთავარ საფრთხეებად აღარ თვლიან. ამჟამად მხოლოდ რესპოდენტთა 41% მიიჩნევს ჩინეთს „უდიდეს მტრად“ და მხოლოდ 26%-მა განაცხადა იგივე რუსეთის მიმართ. ეს მონაცემები მცირეა გასულ წელთან შედარებით, როცა გამოკითხულთა 50%-მა ამერიკის მყრად ჩინეთი დაასახელა, ხოლოდ 32%-მა - რუსეთი.

ამერიკელი რესპუბლიკელები ხშირად ასახელებენ ჩინეთს აშშ-ის მთავარ მტრად (67%), ხოლო დემოკრატები - რუსეთს (48%).

„გელაპის“ მონაცემებით, მატულობს იმ ამერიკელთა რაოდენობა, რომლებიც ირანს აშშ-ის მთავარ საფრთხედ თვლის: 2023 წელს მათი რაოდენობა 2% იყო, 2024 წელს კი - 9%.

გარდა ამისა, ამერიკელთა 5% თვლის, რომ მათი ყველაზე უბოროტესი მტერია თვითონ აშშ-ის ხელისუფლება. ეს რაოდენობა უფრო მეტია, ვიდრე გასულ წელს (1%). სოციოლოგებმა აღნიშნეს, რომ 5% - ეს ყველაზე მაღალი მაჩვენებელია 2005 წლიდან.

გამოკითხვამ, რომლის შედეგები ორშაბათს, 18 მარტს გამოქვეყნდა, ასევე აჩვენა, რომ ამერიკელების თვალში ყველაზე ხელსაყრელი რეიტინგი აქვს კანადას და იაპონიას - ორივემ  83%-იანი დადებითი შეფასება მიიღო.

წყარო: https://thehill.com/policy/international/4538850-fewer-americans-say-china-russia-top-threats-to-us-gallup/