USD 2.7516
EUR 3.1305
RUB 3.3672
Тбилиси
«The New York Times» (აშშ): „ნარენდრა მოდის ვიზიტი მოსკოვში იმის დემონტრაციაა, რომ ვლადიმერ პუტინი იზოლირებული არ არის. უკრაინა უკმაყოფილოა“
дата:  

ამერიკული გაზეთი „ნიუ-იორკ თაიმსი” (The New York Times), ინდოეთის პრემიერ-მინისტრის ნარენდრა მოდის რუსეთში ვიზიტისა და ვლადიმერ პუტინთან შეხვედრის გამო, აქვეყნებს სტატიას სათაურით „ნარენდრა მოდის ვიზიტი მოსკოვში იმის დემონტრაციაა, რომ ვლადიმერ პუტინი იზოლირებული არ არის. უკრაინა უკმაყოფილოა“ (ავტორები - პოლ სონე და ანუპრიტა დიასი).

გთავაზობთ პუბლიკაციის

ინდოეთის პრემიერ-მინისტრი ნარენდრა მოდი რუსეთის პრეზიდენტთან ვლადიმერ პუტინთან ერთად, ზაფხულის საღამოს, დაისს, რუსი ლიდერის რეზიდენციის ეზოში (ნოვო-ოგარიოვოში) ხეების ქვეშ ხვდება. მათ უკვე მოასწრეს გასეირნება გოლფ-კარით, შესვეს ჩაი და დაათვალიერეს ცხენები საჯინიბოში. მოკლედ, დატკბნენ იმ მამულის სიწყნარითა და სიმშვენიერით, რომელიც ოდესღაც რომანოვების დინასტიას ეკუთვნოდა.

სწორედ ამ სცენარით დაიწყო უნდოელი სტუმრის ნარენდრა მოდის ორდღიანი ვიზიტი რუსეთში, რომელმაც ჩვენ გამომაფხიზლებელი რეალობა დაგვანახა: დასავლეთის აშკარა განზრახვის მიუხედავად, რომ ვლადიმერ პუტინის იზოლირება მოეხდინა უკრაინასთან კონფლიქტის გამო, სხვა, არადასავლური ქვეყნები ისეთ პოლიტიკას ატარებენ მოსკოვის მიმართ, როგორიც მათ აწყობთ და მათ ინტერესებს შეესაბამება. ამრიგად, ისინი ახორციელებენ საკუთარ კურსს, რითაც ეხმარებიან ვლადიმერ პუტინს რუსეთის გაძლიერების საკითხში, რომელიც, თავის მხრივ, უკრაინასთან ომს აგრძელებს.

ინდოელი სტუმრისა და რუსი მასპინძლის ურთიერთჩახუტებამ და ხვევნა-კოცნამ უკრაინის ლიდერი ვოლოდიმირ ზელენსკი გააღიზიანა - მან განაცხადა, რომ „იმედგაცრუებულია ინდოეთის მიერ სამშვიდობო პროცესის მიმართ განხორციელებული გამანადგურებელი დარტყმით“.

რუსეთში მსოფლიოს დიდი და გავლენიანი დემოკრატიული სახელმწიფოს - ინდოეთის ლიდერის ნარენდრა მოდის ჩასვლა ვლადიმერ პუტინს კიდევ ერთ თვალსაჩინო არგუმენტს აძლევს ამტკიცოს, რომ მან თავიდან აიცილა „ხელჩამოურთმევი კაცის“ სტატუსის, რომელსაც დასავლელი ლიდერები ცდილობდნენ მისთვის თავს მოეხვიათ. ორი თვის განმავლობაში ვლადიმერ პუტინს საკმაოდ მჭიდრო დიპლომატიური გრაფიკი ჰქონდა: იგი შეხვდა ჩინეთის ლიდერს სი ძინ პინს, აგრეთვე ვიეტნამის, ბელარუსის, ცენტრალური აზიის ქვეყნების და უნგრეთის ლიდერებს.

ნარენდრა მოდის ვიზიტი იმითაიც გამოირჩევა, რომ ეს არის ინდოელი ლიდერის პირველი საზღვარგარეთული ვიზიტი საპარლამენტო არჩევნების შემდეგ, რომელშიც მისმა პარტიამ გაიმარჯვა. ანუ მან თავის საგარეოპოლიტიკურ კურსში რუსეთთან ურთიერთობას გარკვეული პრიორიტეტი მიანიჭა. ასევე ნიშანდობლივია ისიც, რომ ნარედნრა მოდისა და ვლადიმერ პუტინის შეხვედრა მიმდინარეობს ნატოს საიუბილეო სამიტის ფონზე ვაშინგტონში.

დასავლელმა ოფიციალურმა პირებმა ვერ შეძლეს იმის მიღწევა,  რომ ინდოეთი დაერწმუნებინათ ვლადიმერ პუტინის დაგმობის აუცილებლობაში. მართალია, ინდოეთი აღრმავებს ურთიერთობას აშშ-სტან, მაგრამ ნარენდრა მოდი თავს არიდებს რუსეთის საომარი მოქმედების გაკრიტიკებას და „კოლექტიური დიალოგისაკენ“ მოუწოდებს. პრინციპში, ეს გასაკვირი არაა - ინდოეთი ტრადიციების ერთგულია: მას რუსეთთან კარგი თანამშრომლობა ჯერ კიდევ ცივი ომის დროიდან აქვს.  „სამწუხაროა, რომ რუსეთ-ინდოეთის გეოპოლიტიკური წონა შენარჩუნებულია“, - ამბობს ენდრიუ ვაისი, აშშ-ის კარნეგის ფონდის ვიცე-პრეზიდენტი.

ინდურმა მასმედიამ ფართოდ გააშუქა ვიზიტის მიმდინარეობა და განსაკუთრებით ის ფაქტი, თუ როგორ არიან ერთმანეთთან ჩახვეულები მოდი და პუტინი. რუსეთის პრეზიდენტი სტუმარს ასე მიმართავდა - „ჩემო საუკეთესო მეგობარო“, ხოლო სტუმარი მასპინძელს - „ჩემო ძვირფასო მეგობარო“ და „თქვენო უდიდებულესობავ“.

მათი „შინაურული საუბარი“ (ესეც ინდოელი სტუმრის შეფასებაა) სამი საათი გაგრძელდა. გარდა ამისა, ინდურ დიასპორასთან შეხვედრისას ნარენდრა მოდიმ ასე თქვა: „როცა ინდოეთში სიტყვა „რუსეთს“ იტყვი, ყოველ მოქალაქეს მეგობარი და ამხანაგი ახსენდება.  დიახ, რუსეთი ინდოეთისათვის ნამდვილი მეგობარია’.

ნიუ-დელის პოზიცია მოსკოვის მიმართ ორივე მხარისათვის მომგებიანია. ინდოეთი რუსეთისაგან იაფ ნავთობს იღებს და სიდიდით მეორე იმპორტიორი გახდა ჩინეთის შემდეგ, ამით კი კრემლი თავის ხაზინას ავსებს. ანუ ინდოეთი რუსეთს უკრაინის წინააღმდეგ ომის გაგრძელებაში ეხმარება.

შეერთებული შტატები ცდილობს, რომ ჩინეთთან დაზაბულობის ფონზე ინდოეთთან ურთიერთობა განავითაროს, თუმცა ვაშინგტონი ნიუ-დელის საგარეო პოლიტიკაში ნაკლებად ერევა. როგორც სახდეპარტამენტის წარმომადგენელმა მეთიუ მილერმა განაცხადა, იგი დეტალურად გაეცნობა ნარენდრა მოდის ვიზიტის შედეგებს. „ჩვენთვის მთავარია, რომ  ნებისმიერმა ქვეყანამ, რომლეიც რუსეთთან ურთიერთობას აგრძელებს, პატივი სცეს გაეროს წესდებას და უკრაინის ტერიტორიულ მთლიანობას“ - აღნიშნა მილერმა, თუმცა არავითარი საფუძველი არ არსებობს, რომ ნარენდრა მოდიმ ვლადიმერ პუტინს სწორედ ასეთი „ლექცია ჩაუტარა“.

წყარო: https://www.nytimes.com/2024/07/09/world/europe/russia-india-modi-moscow-putin.html

Тбилиси
თბილისის ქუჩები რომელთაც 30 აპრილს დენი გაეთიშებათ

სხვადასხვა სამუშაოების ჩატარების გამო 30 აპრილს ელექტრომომარაგება დროებით შეიზღუდება

ვაკის რაიონი 

ქსელში გადართვების გამო 01:00 საათიდან 04:00 საათამდე შეზღუდვა შეეხება: დაბა წყნეთის (ნაწილობრივ), წყნეთის გზატკეცილის (ნაწილობრივ), კუს ტბის  მიმდებარე ტერიტორიის, ილია ჭავჭავაძის გამზირის (ნაწილობრივ), ცხვედაძის, ფალიაშვილის, ირაკლი აბაშიძის, გრიგოლ მუხაძის, ტიციან ტაბიძის, ძმები კიკნაველიძეების, რაზმაძის, თენგიზ ახმეტელის, პოლიციის, დარიალის, მიშველაძის, კავსაძის, ბერძენიშვილის, მოსაშვილის, გიორგი წერეთლის, ავალიშვილის, მიქელაძის, აბულაძის და ყიფშიძის ქუჩების მოსახლეობას. 

გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: დაბა წყნეთის (ნაწილობრივ), ჭავჭავაძის გამზირის (ნაწილობრივ) და ლეჟავას ქუჩის მოსახლეობას. 

სამგორის რაიონი 

გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ნავთლუღის ქუჩის (ნაწილობრივ) მოსახლეობას. 

საბურთალოს რაიონი 

ქსელში გადართვების გამო 01:00 საათიდან 04:00 საათამდე შეზღუდვა შეეხება: ვაჟა-ფშაველას გამზირის (ნაწილობრივ), ყაზბეგის გამზირის (ნაწილობრივ), ვაჟა-ფშაველას III, IV, VI, VII კვარტლების (ნაწილობრივ), გიორგი გეგეჭკორის, ყაზბეგის, ედიშერ მაღალაშვილის, უნივერსიტეტის, მედეა ჩახავას, ოთარ ლორთქიფანიძის, მარიკა ბარათაშვილის, ოთარ ჩხეიძის, მარიჯანის, ირინე სხირტლაძის და პეტრე ქავთარაძის ქუჩების მოსახლეობას.   

 

კომპანია ბოდიშს უხდის მომხმარებლებს შექმნილი დისკომფორტის გამოსამუშაოების დასრულების შემდეგ აბონენტებს ელექტრომომარაგება აღუდგება.

более
голосование
ვინ გაიმარჯვებს რუსეთ - უკრაინის ომში?
голосование
Кстати