,
აშშ-ის გაზეთმა „ნიუ-იორკ თაიმსმა“ (The New York Times) გამოაქვეყნა სარედაქციო სტატია სათაურით „დონალდ ტრამპს ქვეყნის ხელმძღვანელობის უნარი არ აქვს“, რომელსაც უძღვის შემდეგი ფრაზები: „ის სახიფათო პიროვნებაა - სიტყვით და საქმით. ის საკუთარ თავს კანონზე მაღლა აყენებს. მას სძულს კანონები, რომლითაც ჩვენ ვცხოვრობთ“. პუბლიკაციაში არგუმენტირებულია გაზეთის პოზიცია და მოწოდება, თუ რატომ არ უნდა აირჩიოს ამერიკელმა ხალხმა დონალდ ტრამპი ქვეყნის პრეზიდენტად.
გთავაზობთ სტატიის შინაარსს:
მომავალ კვირაში დონალდ ტრამპი რესპუბლიკური პარტიის მიერ ოფიციალურად იქნება წამოყენებული აშშ-ის პრეზიდენტობის კანდიდატად - მესამედ ბოლო რვა წლის განმავლობაში.
იყო დრო, როცა რესპუბლიკური პარტია ისეთი ხელისუფლების განხორციელებას ესწრაფვოდა, რომელიც ქვეყანას განადიდებდა. პრეზიდენტ რონალდ რეიგანისა და სხვა პრინციპულად მოაზროვნე ადამიანების - ჯორჯ ბუშ-უფროსის, ჯონ მაკკეინის, მიტ რომნისა და სხვების ხედვა დაფუძნებული იყო თავისუფლების, თვითშეწირვის, პირადი პასუხისმგებლობისა და საერტო კეთილდრეობის პრინციპებზე.
ოდესღაც დიდების შარავანდედით მოსილი პარტია დღეს ერთი პიროვნების ინტერესებს ემსახურება - ისეთისა, რომელიც აშკარად შეუფერებელია აშშ-ის ხელმძღვანელის თანამდებობისათვის. ეს სულის შემაძრწუნებელი არჩევანია აშშ-ისათვის, დღევანდელი სიტუაციის ფონზე. უკვე ორ ათეულ წელზე მეტია ამერიკელთა უმრავლესობა ამბობს, რომ უკმაყოფილონი არიან ქვეყნის განვითარებით - ინფლაციამ, მაღალმა საპროცენტო განაკვეთებმა, სოციალურმა პრობლემებმა და პოლიტიკურმა სტაგნაციამ ბევრი ამომრჩეველი იმედგაცრუებამდე და აპათიამდე მიიყვანა.
დონალდ ტრამპი ისეთი ხასიათის დემონსტრირებას ახდენს, რომელიც არ შეეფერება პრეზიდენტს და უღირს ქმედებას წარმოადგენს. იგი სრულად იგნორირებს აშშ-ის კონსტიტუციას, პატივს არ სცემს კანონის უზენაესობის პრინციპს და ამერიკელ ხალხს. დონალდ ტრამპი თავისი მმართველობის პერიოდში დაუღალავად ცდილობდა და ახლაც ცდილობს ძირი გამოუთხაროს ამერიკელი ხალხის იმიჯს, ავტორიტეტს და ერთობას. მმას ამოძრავებს პოლიტიკური ძალაუფლება, მას სურს ხელში ჩაიგდოს ბერკეტები საკუთარი ინტერესების განსახორციელებლად, მას სურს შური იძიოს იმ ადამიანებზე, რომლებმაც მას, მისი აზრით, შეურაცხყვეს და ზიანი მიაყენეს. დონალდ ტრამპი, უბრალოდ, შეუფერებელი პიროვნებაა ამერიკის შეერთებული შტატების პოსტის დასაკავებლად.
ეროვნული ტრაგედია იმით გამოიხატება, რომ რესპუბლიკელებმა ვერ მოახერხეს, ვერ შეძლეს დებატების ჩატარება - დემოკრატებისაგან განსხვავებით - რომ გამოვლენილიყო მათი კანდიდატის მორალური და ემოციური გამოუსადეგრობა. ახლა კი ამ ამოცანის შესრულება ამერიკელი ხალხის მხრებს დააწვება.
ჩვენ მოვუწოდებთ ამომარჩევლებს ნათლად დაინახონ დონალდ ტრამპის მეორე ვადით პრეზიდენტობის საფრთხე და უარყონ მისი კანდიდატურა. პრეზიდენტობის მნიშვნელობის მაღალი დონე ითხოვს იმას, რომ ეს პოსტი ღირსეულმა და სანდო ადამიანმა დაიკავოს - ისეთმა, რომელიც ფლობს და პატივს სცემს უმნიშვნელოვანეს ფასეულობებს. დონალდ ტრამპის კანდიდატურა ვერცერთ მოთხოვნას ვერ აკმაყოფილებს. მისი მოქმედება ყველა სფეროში - რუტინული საქმეებით დაწყებული და მსხვილი კრიზისებით დამთავრებული - წარუმატებელია მისივე იმპულსიური, მოუფიქრებელი და არადამარწმუნებელი ნაბიჯებით.
დონალდ ტრამპის საქმიანობა გვაჩვენებს რა მოუვა ქვეყანას, თუ მას ასეთი პიროვნება უხელმძღვანელებს.
წყარო: https://www.nytimes.com/interactive/2024/07/11/opinion/editorials/donald-trump-2024-unfit.html
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
