,
აშშ-ში ბოლოდროინდელი პროპალესტინური პროტესტების ტალღამ კოლეჯების კამპუსები მოულოდნელად მოიცვა და შოკში ჩააგდო მთელი ქვეყანა. მაგრამ პოლიტიკური ტაქტიკა, რომელიც საფუძვლად უდევს ზოგიერთ დემონსტრაციას, იყო გამოცდილი აქტივისტებისა და მემარცხენე ჯგუფების მრავალთვიანი ტრენინგის, დაგეგმვისა და წახალისების შედეგი, - ამის -შესახებ გამოცემა The Wall Street Journal-ი წერს.
კოლუმბიის უნივერსიტეტში, პროტესტებამდე კვირებითა და თვეებით ადრე, სანამ პოლიცია ნიუ-იორკის კამპუსში ბანაკებს დაშლიდა და აკადემიური შენობებიდან დემონსტრანტების გამოიყვანდა, სტუდენტთა ორგანიზატორებმა დაიწყეს კონსულტაციები ისეთ ჯგუფებთან, როგორიცაა „ეროვნული სტუდენტები პალესტინაში სამართლიანობისთვის“ (National Students for Justice in Palestine, NSJP), კამპუსის პროტესტის ვეტერანები და ყოფილი „შავი პანთერები“ (Black Panthers).
„ჩვენ მოვუსმინეთ უფროსებს, შევედით მათთან დიალოგში და გავაანალიზეთ, როგორ პასუხობდა უნივერსიტეტი წინა პროტესტებს“, - ამბობს სუედა პოლატი, პროპალესტინური ბანაკში ორგანიზატორი და კოლუმბიის უნივერსიტეტის კურსდამთავრებული.
მიუხედავად იმისა, რომ სტუდენტურ მოძრაობას ერთიანი კონტროლის ცენტრი არ აქვს, დემონსტრანტებსა და რადიკალურ მემარცხენეებს შორის კავშირები არსებობს. NSJP დაახლოებით 20 წელია არსებობს და აქვს 300 ფილიალი მთელ აშშ-ში, რომლებიც აქტიურად იყვნენ ჩართულები კოლეჯებში ბანაკების მოწყობასა და შენობების დაკავებაში.
თვეების განმავლობაში NSJP-ის სოციალურ ქსელებში ქვეყნდებოდა სტუდენტური პროტესტების ვიდეოები, ოქტომბერში NSJP-მ კოლეჯებში „წინააღმდეგობის დღისადმი მიძღვნილი დემონსტრაციები“ ჩაატარა.
25 აპრილს NSJP-მ დემონსტრაციებში მონაწილე სტუდენტებს „მეგობრული რჩევა“ მისცა: ჩაიცვან კომფორტული ტანსაცმელი, სპორტული ფეხსაცმელი, თან იქონიონ წყალი და ბენდენა, თვალთვალისგან თავის ასარიდებლად. კიდევ ერთ X-პოსტში NSJP-მ პოლიციელები ღორებად მოიხსენია.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/
