USD 2.7274
EUR 2.9639
RUB 3.0112
Tbilisi
«The Wall Street Journal» (აშშ): „ჭეშმარიტების მომენტი უკრაინისა და ისრაელისათვის: ორივე ქვეყანას სასწრაფოდ ესაჭიროებათ აშშ-ის დახმარება თავხედი მოწინააღმდეგეებისაგან თავის დასაცავად“
Date:  86

აშშ-ის გაზეთ „უოლ სთრით ჯორნელში“ (The Wall Street Journal) გამოქვეყნებული აშშ-ის პრეზიდენტის ჯო ბაიდენის სტატია სათაურით „ჭეშმარიტების მომენტი უკრაინისა და ისრაელისათვის: ორივე ქვეყანას სასწრაფოდ ესაჭიროებათ აშშ-ის დახმარება თავხედი მოწინააღმდეგეებისაგან თავის დასაცავად“, რომელშიც ამერიკის ლიდერის თვალსაზრისია გადმოცემული: „წარმომადგენელტა პალატამ დაუყონებლივ უნდა მიიღოს ამ ქვეყნებისადმი სამხედრო დახმარების კანონი. დაუშვებელია, რომ რესპუბლიკელებს დოკუმენტი „მძევლად ჰქონდეთ აყვანილი“, - წერს ჯო ბაიდენი.

გთავაზობთ პუბლიკაციის შინაარსს:

"მიუხედავად იმისა, რომ ორივე ქვეყანას შეუძლია საკუთარი სუვერენიტეტის დაცვა, ისინი დამოკიდებულნი არიან ამერიკულ დახმარებაზე, მათ შორის იარაღზე. და ეს გადამწყვეტი მომენტია", - წერს ჯო ბაიდენი.

აშშ-ის პრეზიდენტის მტკიცებით, დახმარება საჭიროა ორივე ქვეყნისთვის, რადგან უკრაინასა და ისრაელს საბრძოლო მასალა ეწურებათ - უკრაინას რუსეთის აგრესიის მოსაგერიებლად, ისრაელს კი გასულ კვირას ირანული დრონებითა და ფრთოსანი რაკეტებით მასშტაბური თავდასხმის ფონზე. თუმცა, მისი თქმით, დახმარება ისეთივე მნიშვნელოვანია ამერიკის ინტერსების უსაფრთხოებისთვის.

"როგორც უკრაინა, ასევე - ისრაელი თავდასხმის ქვეშ არიან თავხედური მოწინააღმდეგეების მხრიდან, რომლებიც მათ განადგურებას ცდილობენ. ბატონ პუტინს სურს დაიმორჩილოს უკრაინელი ხალხი და შეითვისოს მათი ერი რუსეთის ახალ იმპერიაში. ირანის მთავრობას სურს ისრაელის სამუდამოდ განადგურება - უნდა, რომ მსოფლიოში ერთადერთი, ებრაული სახელმწიფო რუკიდან აღგავოს“, - წერს ჯო ბაიდენი.

„ამერიკამ არასოდეს არ უნდა მიიღოს არც ერთი ასეთი შედეგი - არა მხოლოდ იმიტომ, რომ ჩვენ მხარს ვუჭერთ ჩვენს მეგობრებს, არამედ იმიტომაც, რომ ამაზე ჩვენი უსაფრთხოებაც დგას“, - აღნიშნავს აშშ-ის პრეზიდენტი სტატიაში, - „თუ რუსეთი გაიმარჯვებს, ვლადიმერ პუტინის ჯარი ძალიან ახლოს მოვა ჩრდილოატლანტიკური ორგანიზაციის წევრი ქვეყნებთან. ნატოს წესდების მე-5 მუხლის საფუძველზე ჩვენ მოკავშირეებს ყოველთვის დავეხმარებით. დაუყონებლივ უნდა გავაძლიეროთ უკრაინისადმი დახმარება, რათა ვლადიმერ პუტინი შევაჩეროთ, რათა ავღკვეთოთ კრემლისგან მომდინარე საფრთხე თავისუფალი ქვეყნების მიმართ. ამასთან უნდა ვეცადოთ, რომ ამერიკის არმია ევროპულ მომავალ ომში არ იქნეს ჩათრეული“.

პრეზიდენტმა ასევე განაცხადა, რომ უკრაინისთვის გაწეული დახმარება არ იქნება "გადაყრილი ფული". მისი თქმით, უკრაინისთვის გასაგზავნი იარაღი ამერიკულ ქარხნებში დამზადდება: „ჩვენ ინვესტიციას ჩავდებთ ამერიკის ინდუსტრიულ ბაზაში, ვიყიდით ამერიკელი მუშაკების მიერ დამზადებულ ამერიკულ პროდუქტებს, დავეხმარებით სამუშაო ადგილების შექმნას თითქმის 40 შტატში და გავაძლიერებდით ჩვენს ეროვნულ უსაფრთხოებას. ჩვენ დავეხმარებით ჩვენს მეგობრებს და პარალელურად დავეხმარებით საკუთარ თავსაც“, - წერს ჯო ბაიდენი.

ამერიკის ლიდერმა ასევე სცადა შეემსუბუქებინა დემოკრატიულ პარტიაში ისრაელის დახმარებასთან დაკავშირებული შეშფოთება, სადაც პარტიის წევრთაგან უფრო და უფრო მეტი ეწინააღმდეგება ისრაელისთვის სამხედრო დახმარების აღმოჩენას მის მიერ „ჰამასის“ წინააღმდეგ ღაზაში წარმოებული ომის გამო.

ჯო ბაიდენის თქმით, სენატის მიერ დამტკიცებული კანონპროექტი ასევე მოიცავს დაფინანსებას „ღაზის მოსახლეობისთვის სასწრაფო ჰუმანიტარული დახმარების გაგრძელების მიზნით“.  ჩვენს მიერ შემუსავებული კანონპროექტი, რომელიც სენატმა უკვე დაამტკიცა, „ძლიერი და გონივრულია, მაგრამ დოკუმენტი მძევლად აქვთ აყვანილი წარმომადგენელტა პალატის ექსტრემისტულად განწყობილ რესპუბლიკელთა მცირე ჯგუფს.

ვლადიმერ პუტინი განუხრელად ცდილობს უკრაინელი ხალხის ნებისყოფის გატეხვას, მაგრამ იგი ამას ვერ მოესწრება. მას ასევე სურს დასავლეთის დაჩოქებაც. ჩვენ არ შეგვიძლია დავუშვათ, რომ პუტინმა თავისი გეგმები განახორციელოს“, - წერს სტატიის დასასრულს აშშ-ის პრეზიდენტი.

წყარო: https://www.wsj.com/articles/moment-of-truth-on-ukraine-and-israel-war-ammo-aid-package-iran-russia-7ed30288?mod=opinion_lead_pos5

 

business
ღვინის ექსპორტი ისტორიულ მაქსიმუმზეა - ზრდა რუსეთში რეკორდულმა გაყიდვებმა განაპირობა

4 თვის მონაცემებით, საქართველოდან ღვინის ექსპორტი რეკორდულია. ოფიციალური სტატისტიკის მიხედვით, იანვარ-აპრილში ღვინის ექსპორტი 61%-ით 126.5 მილიონ დოლარამდე გაიზარდა. საქართველოდან სხვადასხვა ქვეყანაში გაყიდული ღვინის მოცულობამ კი 45 139 ტონა შეადგინა.

საქართველოს $1 მილიარდ 763 მილიონიან ექსპორტში, ყურძნის ნატურალურ ღვინოებს უმსხვილეს საექსპორტო საქონლის რეიტინგში, რეექსპორტირებული მსუბუქი ავტომობილების შემდეგ მეორე ადგილი უკავია. ამ პერიოდში ადგილობრივი წარმოების პროდუქტზე მთლიანი ექსპორტის 7.2% მოდიოდა. მაშინ როდესაც გასულ წელს ღვინის ექსპორტზე 4% მოდიოდა.

ქართული ღვინის მთავარი საექსპორტო ბაზარი ტრადიციულად რუსეთია. თუმცა მიმდინარე წლის პირველ ოთხ თვეში ღვინის ექსპორტის რეკორდული მაჩვენებელი შეგვიძლია ვთქვათ, რომ რუსეთში გაყიდვების ზრდით არის განპირობებული. სტატისტიკის მიხედვით, წლის ამ პერიოდში რუსეთზე ღვინის ექსპორტის 78.6% მოდიოდა. რუსეთში ღვინის ექსპორტიც ისტორიულ მაქსიმუმზეა.

ამ პერიოდში საქართველოდან რუსეთში 37 045 ტონა ღვინის გაყიდვით საქართველომ 99,5 მილიონი დოლარის შემოსავალი მიიღო. ექსპორტირებული პროდუქტის ღირებულება წლიურად 90.1%-ით, მოცულობა კი 94.4%-ით გაიზარდა. ამასთან რუსეთში გატანილი ღვინის მოცულობა 2023 წელს ჯამურად რუსეთში გაყიდული ღვინის მოცულობის ნახევარს აღემატება. (2023 წლის ექსპორტი 168.3 მლნ დოლარი, 62 282 ტონა ღვინო). ღვინის გაყიდვის ასეთი ზრდას მეღვინეები რუსეთში ალკოჰოლურ სასმელებზე, მათ შორის ღვინოზე აქციზის გადასახადის ზრდით ხსნიან. მეღვინეების ნაწილი განმარტავდნენ, რომ მწარმოებლები პირველ ოთხ თვეში ამ ბაზარზე წლიური რეალიზების 80%-მდე გატანას შეეცდებოდნენ.

იანვარ-აპრილში ღვინის ექსპორტი მცირედით გაიზარდა ევროკავშირის ქვეყნებშიც. ამ პერიოდში EU-ში 10 მილიონ 217 ათასი დოლარის ღირებულების 3 249 ტონა ღვინო გაიყიდა. ზრდა ღირებულებაში - 13%, მოცულობაში კი 13.7%-ია. ღვინის ექსპორტში ევროკავშირს მცირე - 8%-იანი წილი უჭირავს.

ღვინის გაყიდვებს თუ უმსხვილესი საექსპორტო ქვეყნების ჭრილში შევხედავთ, დავინახავთ, რომ წლის პირველ ოთხ თვეში ღვინის რეალიზება რუსეთში, პოლონეთში, ყაზახეთში, აშშ-ში გაიზარდა, ხოლო უკრაინაში, ჩინეთში, ბელარუსში, ლატვიასა და ლიეტივაში შემცირდა.

ყურძნის ნატურალური ღვინოების TOP-10 საექსპორტო ქვეყნის რეიტინგი ღირებულების მიხედვით ასეთია:

  1. რუსეთი - $99.5 მლნ, 37 045 ტონა;
  2. პოლონეთი - $4.9 მლნ, 2 006 ტონა;
  3. უკრაინა - $3.9 მლნ, 1 415 ტონა;
  4. ყაზახეთი - $2.9 მლნ, 893 ტონა;
  5. ჩინეთი - $2.2 მლნ, 633 ტონა;
  6. აშშ - $2.1 მლნ, 363 ტონა;
  7. გერმანია - $2 მლნ, 452 ტონა;
  8. ბელარუსი - $1.8 მლნ, 640 ტონა;
  9. ლატვია - $1.1 მლნ, 314 ტონა;
  10. ლიეტუვა - $664 ათასი, 197 ტონა.

წყარო: https://bm.ge/

See all
Survey
ვინ გაიმარჯვებს რუსეთ - უკრაინის ომში?
Vote
By the way